Ministrlık kompaniia belgılengen merzımge deiın stansiia salmasa, Starlink Qazaqstanda jūmys ıstemeitının aitty, dep habarlaidy “Adyrna” ūlttyq portaly.
Būl turaly sifrlyq damu ministrı Jaslan Mädiev senattyŋ kuluarynda habarlady.
«2026 jyly pilottyq joba aiaqtalady. Eger sol uaqytqa deiın Starlink jerüstı stansiiasyn salmasa, onda ol mūnda resmi türde jūmys ıstemeitın bolady», – dedı ministr.Ol qazırgı uaqytta 1800-den astam mekteptıŋ Starlink-ke qoljetımdılıgı bar ekenın atap öttı. Pilottyq joba 2026 jyldyŋ 1 qaraşasyna deiın jalǧasady. Ministr qazırgı uaqytta ŪQK-da ūlttyq qauıpsızdık mäselelerı talqylanyp jatqanyn, olardyŋ nätijelerı boiynşa Starlink-tıŋ Qazaqstanda pilottyq rejimnen tys jūmys ıstei alatyn-almaityny anyqtalatynyn aitty. Komitet kompaniiadan jerüstı stansiiasy men bailanys stansiiasyn saludy talap etude. Būl kelıssözder aiaqtalǧanǧa deiın elde halyqqa Starlink terminaldaryn kommersiialyq negızde satuǧa tyiym salynǧan. «SpaceX – öte ülken, amerikalyq kompaniia. Ol ärtürlı elderde jūmys ısteidı, sondyqtan ony köndıru oŋai şarua emes. Sondyqtan kelıssözder sozylyp kettı dep aituǧa bolmaidy», – dedı Mädiev.
Ūqsas jaŋalyqtar
