حالىق توقاەۆتىڭ جولداۋىنان نە كۇتەدى؟

243

 

تەك شىمكەنت قالاسىنىڭ وزىندە بيىل 22 000 ءبۇلدىرشىن 1-سىنىپقا باردى (مەنىڭ نەمەرەم باراتىن N:80 مەكتەپ 1200 وقۋشىعا ارنالعان. بيىل 4200 وقۋشى وقىپ جاتىر).

بيىل شىمكەنت قالاسىندا 4 جاڭا مەكتەپ پايدالانۋعا بەرىلدى. (تومەندەگى سۋرەتتە 1200 وقۋشىعا ارنالعان مەكتەپتىڭ تيپتىك جوباسى. جىلىنا قالادا وسىنداي نەشە جاڭا مەكتەپ سالىنۋى كەرەك؟)

تۇركىستان وبلىسىندا 1 سىنىپقا 56 506 بالدىرعان باردى (وبلىستا جالپى سانى 488 520 وقۋشى مەكتەپتە ءبىلىم الادى).

قازاقستاننىڭ "نانحاناسى" سولتۇستىك قازاقستان وبلىسىندا بار بولعانى 9300 بالا 1-سىنىپقا بارعان (سالىستىرۋ ءۇشىن: تۇركىستان وبلىسىنىڭ ارىس قالاسىندا عانا بيىل 2500 بالا 1-سىنىپقا بارعان). 2000 جىلداردان بەرى سولتۇستىك قازاقستان وبلىسىندا 290 مەكتەپ جابىلعان.

ەڭ ساپالى نان ونىمدەرى وندىرىلەتىن بيداي وسەتىن سولتۇستىك وڭىرلەردە ەڭبەك رەسۋرستارى تاپشىلىق ەتە باستادى..

ەسەسىنە شىمكەنت قالاسى مەن تۇركىستان وبلىسىندا جۇمىس ورىندارى تاپشى...

كەشە عانا تەلەديداردان قازاقستاندا 300 مىڭعا جۋىق قىتاي ازاماتى بار دەگەن اقپارات ەستىدىم. ولاردىڭ كوپشىلىگى قازاقستاندىق ايەلدەرگە ۇيلەنىپ العان دەسەدى.
مەملەكەتتىك مۇددە تۇرعىسىنان قاراساق، ءبىزدىڭ قىز-كەلىنشەكتەرىمىزدىڭ سەزىم-پەزىم، قۇقىق-سۇقىعىندا شارۋامىز بولماۋى ءتيىس. ءوز مۇددەمىزدى قورعاۋدىڭ جولدارىن ىزدەۋ كەرەك.

سوندىقتان مەملەكەت سىرتقى جانە ىشكى كوشى-قوندى رەتتەيتىن جاڭا باعدارلاما قابىلداۋ كەرەك.
1. ەڭبەك رەسۋرستارى ارتىق وڭىرلەردىڭ تۇرعىندارىن ەڭبەك رەسۋرستارى تاپشى وڭىرلەرگە قونىس اۋدارۋدى جەدەلدەتۋدىڭ قوسىمشا تەتىكتەرىن ىزدەۋ كەرەك.
2. ەلگە كىرىپ جاتقان شەتەلدىكتەر مەن قازاقستان ازاماتتار اراسىنداعى نەكە مەملەكەت مۇددەسىنە قاۋىپ توندىرمەۋ جولدارىن قاراستىرۋ قاجەت.

 

 

ءومىر شىنىبەكۇلى

"ادىرنا" ۇلتتىق پورتالى

پىكىرلەر