Tek Shymkent qalasynyń ózinde bıyl 22 000 búldirshin 1-synypqa bardy (Meniń nemerem baratyn N:80 mektep 1200 oqýshyǵa arnalǵan. Bıyl 4200 oqýshy oqyp jatyr).
Bıyl Shymkent qalasynda 4 jańa mektep paıdalanýǵa berildi. (Tómendegi sýrette 1200 oqýshyǵa arnalǵan mekteptiń tıptik jobasy. Jylyna qalada osyndaı neshe jańa mektep salynýy kerek?)
Túrkistan oblysynda 1 synypqa 56 506 baldyrǵan bardy (Oblysta jalpy sany 488 520 oqýshy mektepte bilim alady).
Qazaqstannyń "nanhanasy" Soltústik Qazaqstan oblysynda bar bolǵany 9300 bala 1-synypqa barǵan (Salystyrý úshin: Túrkistan oblysynyń Arys qalasynda ǵana bıyl 2500 bala 1-synypqa barǵan). 2000 jyldardan beri Soltústik Qazaqstan oblysynda 290 mektep jabylǵan.
Eń sapaly nan ónimderi óndiriletin bıdaı ósetin Soltústik óńirlerde eńbek resýrstary tapshylyq ete bastady..
Esesine Shymkent qalasy men Túrkistan oblysynda jumys oryndary tapshy...
Keshe ǵana teledıdardan Qazaqstanda 300 myńǵa jýyq Qytaı azamaty bar degen aqparat estidim. Olardyń kópshiligi qazaqstandyq áıelderge úılenip alǵan desedi.
Memlekettik múdde turǵysynan qarasaq, bizdiń qyz-kelinshekterimizdiń sezim-pezim, quqyq-suqyǵynda sharýamyz bolmaýy tıis. Óz múddemizdi qorǵaýdyń joldaryn izdeý kerek.
Sondyqtan memleket syrtqy jáne ishki kóshi-qondy retteıtin jańa baǵdarlama qabyldaý kerek.
1. Eńbek resýrstary artyq óńirlerdiń turǵyndaryn eńbek resýrstary tapshy óńirlerge qonys aýdarýdy jedeldetýdiń qosymsha tetikterin izdeý kerek.
2. Elge kirip jatqan sheteldikter men Qazaqstan azamattar arasyndaǵy neke memleket múddesine qaýip tóndirmeý joldaryn qarastyrý qajet.
Ómir ShYNYBEKULY
"Adyrna" ulttyq portaly
