يسپانيادا سۋ تاسقىنىنان كەم دەگەندە 95 ادام قازا تاپتى، دەپ حابارلايدى “ادىرنا” ۇلتتىق پورتالى.
قالا مەن اۋىلدى، اعاش پەن كولىكتەردىڭ قيراۋىنان بولەك، ونداعان ادام ىزدەستىرىلىپ جاتىر.
Theguardian باسىلىمىنىڭ مالىمەتىنشە، ۆالەنسيا بيلىگى تۇرعىنداردى سۋ باسقان نەمەسە جابىلعان جولداردان اۋلاق بولۋعا شاقىرۋدا. سونداي-اق، اۆاريالىق-قۇتقارۋ قىزمەتتەرىنىڭ جۇمىس ىستەۋى ءۇشىن قولجەتىمدىلىكتى قامتاماسىز ەتۋ قاجەتتىگىن دە اتاپ ءوتتى.
يسپانيانىڭ توتەنشە جاعدايلار مينيسترلىگى بولىمدەردەن 1000-نان استام سارباز اپاتتان زارداپ شەككەن ايماقتارعا جىبەرىلگەنىن حابارلادى. ال ورتالىق ۇكىمەت ۆالەنسياعا مايىتتەردى تانۋعا كومەكتەسۋ ءۇشىن توعىز سوت-مەديتسينالىق ساراپشى جىبەردى.
سەيسەنبى كۇنى بولعان تاسقىن يسپانياداعى 1996 جىلدان بەرگى ەڭ جويقىن تابيعي اپات بولىپ وتىر. 28 جىل بۇرىنعى اپاتتا 87 ادام قايتىس بولعان ەدى.
ال الەمدە ءىرى سۋ تاسقىنى وقيعالارى 2021 جىلدىڭ شىلدە ايىندا ەۋروپادا بولدى. تابيعي اپاتتان گەرمانيا، بەلگيا، رۋمىنيا، يتاليا جانە اۆستريادا 243 ادامنىڭ ءومىرىن قيدى.
