«تازا قازاقستان» جالپىۇلتتىق رەسپۋبليكالىق ەكولوگيالىق اكتسياسى ەلىمىزدە وسى جىلدىڭ ءساۋىر ايىندا باستاۋ العان بولاتىن. اتالمىش اكتسيا باستالعاننان بەرى ورال قالاسى اكىمدىگىمەن ارنايى جۇمىس جوسپارى جاساقتالدى.
باتىس قازاقستان وبلىسىندا جالپىقالالىق سەنبىلىكتەر باستالدى. تازالىق شارالارى «تازا قازاقستان» رەسپۋبليكالىق ەكولوگيالىق اكتسياسى جانە شاھاردا جاريالانعان سانيتارلىق-ەكولوگيالىق ايلىق اياسىندا وزدىرىلۋدا.
سەنبىلىك اياسىندا قالا اۋماعىن كۇل-قوقىستان تازالاۋ جۇمىسى جۇرگىزىلىپ جاتىر. بۇل شاراعا مەكەمە-ۇيىم قىزمەتكەرلەرى، شاعىن جانە ورتا بيزنەس وكىلدەرى، ەرىكتىلەر، ستۋدەنتتەر، جالپى قالا تۇرعىندارى قاتىسۋدا. كۇزگى سەنبىلىككە ورال قالاسىنىڭ اكىمى مۇرات بايمەنوۆ جاستارمەن بىرگە اتسالىسىپ، «ەت كومبيناتى» اۋدانىندا، رۋجەينيكوۆ، گاگارين كوشەلەرىنىڭ بويىندا، 10-شى شاعىن اۋداندا تازالىق جۇمىسىن جۇرگىزدى. سەنبىلىكتەر قالاعا قاراستى كەنتتەردە دە بەلسەندى ءوتتى. ناتيجەسىندە قالا اۋماعىنان 15 مىڭ تەكشە مەتر كۇل-قوقىس شىعارىلدى. بۇل جۇمىسقا 20-عا جۋىق ارنايى تەحنيكا جۇمىلدىرىلدى.
«تازا قازاقستان» رەسپۋبليكالىق اكتسياسى ەلىمىزدىڭ بارلىق ايماعىندا جالعاسىن تاۋىپ، جالپىحالىقتىق ەكو-چەللەندجگە اينالدى. باستى ماقسات – قورشاعان ورتانى ساقتاپ، ەكولوگيالىق مادەنيەتتى قالىپتاستىرۋ. جالپى وزەن جاعالاۋىنان 100 توننادان اسا قوقىس شىعارىلىپتى. اسىرەسە، كوكتەمگى سۋ تاسقىنىمەن جاعاعا جينالعان قالدىقتاردى تازالاۋعا قالاداعى مەكەمە، كاسىپورىن ۇجىمدارى جۇمىلۋدا.
اكتسياعا سايكەس قالالىق اكىمدىك ماماندارىنىڭ باستاماسىمەن «سانيتارلىق بەيسەنبى» شاراسى وتكىزىلۋدە. ياعني، ءار بەيسەنبى كۇنى بازار اۋماعىندا جانە زاڭسىز ساۋدا جۇرگىزىلۋ ورىندارىندا ءتۇسىندىرۋ جۇمىستارى جۇرگىزىلىپ، زاڭ بۇزعاندارعا اكىمشىلىك جازا تاعايىندالادى.
– اكتسياعا سايكەس وڭىرىمىزگە بىرىڭعاي ساۋلەتتىك كەلبەت بەرۋ ماقساتىندا قالامىزدىڭ ماگيسترالدى كوشەلەرىندە ورنالاسقان 38 كپتۇ-گە اعىمداعى جوندەۋ جۇمىستارىن، ياعني قاسبەتتەرىن سىرلاۋ، شاتىرلارىن اۋىستىرۋ جۇمىستارىن جۇرگىزۋ جوسپارلانۋدا. قازىرگى تاڭدا اتالعان ۇيلەرگە تەحنيكالىق زەرتتەپ قاراۋ جانە جوبالاۋ جۇمىستارى جۇرگىزىلىپ، ءارى قاراي جوبانى جۇزەگە اسىرۋ ءۇشىن بيۋدجەتتىك ءوتىنىم دايىندالۋدا. قالامىزدىڭ اعىمداعى جول جوندەۋ جۇمىستارى بويىنشا 28 مىڭ م2 جول جوندەلىپ، 31,3 مىڭ م دەفورماتسيالىق تىگىسكە بيتۋم قۇيۋ جۇمىستارى جۇرگىزىلدى. سونداي-اق 3,4 مىڭ م2 سالقىن پلاستيك قۇيىلىپ، 281 جاياۋ جۇرگىنشىلەر جولاعىنا جانە قالامىزدىڭ 43 كوشەسىنە جول بەلگىلەرى بويالعان بولاتىن. ودان بولەك، اعىمداعى كوشە جول جەلىلەرىن جانە قالا اۋماعىن كۇتىپ-ۇستاۋ اياسىندا بارلىق ارىق جۇيەلەرى تازالانىپ، ۇلكەن جانە كىشى ارىق جۇيەسىندە سالقىنداتۋعا نەگىزدەلگەن سۋ جىبەرۋ جۇزەگە اسىرىلدى، 67,8 مىڭ توننا ۇلكەن گاباريتتى قالدىقتار شىعارىلدى، 2,3 ملن م2 ءشوپ شابۋ جۇمىستارى اتقارىلدى، قالىپتى جاعدايدا، جۇمىس جوسپارىنا سايكەس اعاشتاردى سانيتارلىق كەسۋ، تىنىمباقتاردى تازالاۋ، كوشە جول جەلىلەرىن تازالاۋ، دىمقىل تازالىق جۇمىستارى اتقارىلدى، – دەيدى ورال قالاسى اكىمىنىڭ ورىنباسارى جاندوس دۇيسەنعاليەۆ.
سونداي-اق 10 شاعىناۋداندا 5,6 شاقىرىم جانە توقاي كوشەسىندە 0,6 شاقىرىم ارىق جۇيەلەرى ورناتىلعان. 24 ستيحيالىق قوقىس ورىندارى تازالانىپ باستالدى. 69 قتق ارنالعان ۋاقىتشا قوقىس جيناۋ ورىندارى، 1000 ەۆروكونتەينەر ورناتۋ جۇزەگە اسىرىلۋدا. اكتسيا جۇمىسىن وڭتايلاندىرۋ ماقساتىندا قالا اۋماعى 24 وكرۋگكە ءبولىنىپ، تۇراقتى تۇردە ءار اپتا سايىن رەيدتىك جۇمىستار جۇزەگە اسىرىلۋدا. «تازا قازاقستان» اكتسياسى اياسىندا مەديا-جوسپار جاساقتالىپ، جوسپارعا سايكەس «تازا ولكە»، «كيەلى مەكەن»، «جاسىل ايماق»، «ونەگەلى ۇرپاق»، «ءمولدىر بۇلاق» ىس-شارالارىن وتكىزۋ جوسپارلانعان. قالا بويىنشا تازا اۋلا، كوشە، مەكەمە ارالارىندا كونكۋرستار وتكىزۋ كوزدەلگەن.
قالا اۋماعىندا 10 ورىندا «تازا قازاقستان» اكتسياسى تۋرالى باننەرلەر ورناتىلىپ، «تازا قازاقستان»، «تازا اۋلا» اۆتوبۋسىن ىسكە اسىرۋ جوسپارلانۋدا.
