قازاقستان ۇلتتىق قورىنىڭ شىعىنداردىڭ ءوسۋى پارلامەنتتىڭ الاڭداۋشىلىعىن تۋدىردى، دەپ حابارلايدى «ادىرنا» ۇلتتىق پورتالى.
«پرەزيدەنتتىڭ قاتاڭ ەسكەرتۋلەرىنە قاراماستان، ءبىز ءالى دە ۇلتتىق قوردان اقشا جۇمساۋدى جالعاستىرۋدامىز. 2025 جىلى ۇلتتىق قوردان كەپىلدەندىرىلگەن جانە نىسانالى ترانسفەرتتەر كولەمى 5,3 ترلن تەڭگەنى قۇرادى، بۇل اعىمداعى جىلمەن سالىستىرعاندا ءبىر جارىم ەسە كوپ. ەڭ قىزىعى، بۇل كورسەتكىش رەسپۋبليكالىق بيۋدجەتتىڭ 20%-ى جانە ناقتى سالىق تۇسىمدەرىنىڭ ۇشتەن ءبىرىن قۇرايدى»، - دەدى دەپۋتات ەلنۇر بەيسەنباەۆ ءماجىلىس وتىرىسىندا.
ونىڭ پىكىرىنشە، بۇل فاكتىلەر ۇكىمەتتىڭ سالىق تۇسىمدەرى مەن ديۆيدەندتەرى بويىنشا كىرىس بولىگىنىڭ ءالسىز ورىندالۋىن كورسەتەدى.
ءماجىلىس سپيكەرى ەرلان قوشانوۆ تا ۇكىمەتتىڭ ۇلتتىق قور قاراجاتىن جۇمساۋىن سىنعا الدى. ول ۇلتتىق قور – بولاشاق ۇرپاققا ارنالعان قارجى مۇراسى ەكەنىن ەسكە سالدى.
«ۇلتتىق قور قاراجاتىن اعىمداعى قاجەتتىلىكتەرگە پايدالانۋ پراكتيكاسىن دوعارۋ قاجەت. بۇگىندە جەتى ميلليونعا جۋىق بالا ۇلتتىق قوردان تولەم الادى، بۇكىل ەل قور قاراجاتىنىڭ جۇمسالۋىن ءجىتى قاداعالاپ وتىر»، - دەپ تولىقتىردى ەرلان قوشانوۆ.
