Qazaqstan Ulttyq qorynyń shyǵyndardyń ósýi Parlamenttiń alańdaýshylyǵyn týdyrdy, dep habarlaıdy «Adyrna» ulttyq portaly.
«Prezıdenttiń qatań eskertýlerine qaramastan, biz áli de ulttyq qordan aqsha jumsaýdy jalǵastyrýdamyz. 2025 jyly Ulttyq qordan kepildendirilgen jáne nysanaly transfertter kólemi 5,3 trln teńgeni qurady, Bul aǵymdaǵy jylmen salystyrǵanda bir jarym ese kóp. Eń qyzyǵy, bul kórsetkish Respýblıkalyq bıýdjettiń 20%-y jáne naqty salyq túsimderiniń úshten birin quraıdy», - dedi depýtat Elnur Beısenbaev Májilis otyrysynda.
Onyń pikirinshe, bul faktiler úkimettiń salyq túsimderi men dıvıdendteri boıynsha kiris bóliginiń álsiz oryndalýyn kórsetedi.
Májilis spıkeri Erlan Qoshanov ta Úkimettiń Ulttyq qor qarajatyn jumsaýyn synǵa aldy. Ol Ulttyq qor – bolashaq urpaqqa arnalǵan qarjy murasy ekenin eske saldy.
«Ulttyq qor qarajatyn aǵymdaǵy qajettilikterge paıdalaný praktıkasyn doǵarý qajet. Búginde jeti mıllıonǵa jýyq bala Ulttyq qordan tólem alady, búkil el qor qarajatynyń jumsalýyn jiti qadaǵalap otyr», - dep tolyqtyrdy Erlan Qoshanov.
