كاسپي تەڭىزى جاعالاۋىندا قازا تاپقان يتبالىقتاردىڭ سانى ارتۋدا، دەپ حابارلايدى "ادىرنا" ۇلتتىق پورتالى.
24-29 قازان ارالىعىندا جايىق-كاسپي ارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى گيدروبيولوگيا جانە ەكولوگيا ينستيتۋتىنىڭ وكىلدەرىمەن بىرگە كاسپي تەڭىزى جاعالاۋىندا جۇرگىزىلگەن مونيتورينگ بارىسىندا 289 يتبالىقتىڭ ولەكسەسىن انىقتادى.
ماڭعىستاۋ وبلىستىق بالىق شارۋاشىلىعى ينسپەكتسياسىنىڭ باسشىسى مىندەتىن اتقارۋشى اندرەي رۋتسكيدىڭ ايتۋىنشا، جاعالاۋ ايماعىنداعى مونيتورينگ جالعاسۋدا. وندا جەرگىلىكتى اتقارۋشى ورگاندار مەن گيدروبيولوگيا جانە ەكولوگيا ينستيتۋتىنىڭ، Qazaq balyk رەسپۋبليكالىق بالىق شارۋاشىلىعى جانە اكۆامادەنيەت قاۋىمداستىعى فيليالىنىڭ وكىلدەرى جۇمىس ىستەۋدە. ونىڭ ايتۋىنشا، يتبالىقتاردىڭ ءولۋ سەبەپتەرى ءتيىستى زەرتحانالىق زەرتتەۋلەر جۇرگىزىلگەننەن كەيىن بەلگىلى بولادى.
