قۇقىق قورعاۋشى، ۇلتتىق قوعامدىق سەنىم كەڭەسىنىڭ (ۇقتك) مۇشەسى ايگۇل ورىنبەكتىڭ ۇستالعانى تۋرالى اقپارات تارادى. دەگەنمەن، شىمكەنت قالاسىنىڭ پوليتسيا دەپارتامەتى زاڭگەردى قاماۋعا الماعانىن ايتتى، دەپ حابارلايدى “ادىرنا” ۇلتتىق پورتالى.
ايگۇل ورىنبەكتىڭ قاماۋعا الىنعانى تۋرالى جۋرناليست ميحايل كوزاچكوۆ تەلەگرامم ارناسىندا جازدى.
“قازىر ول پوليتسيادا. ونىڭ اتى «الاياقتىق»، «سوتقا دەيىنگى ءوندىرىس مالىمەتتەرىن جاريا ەتۋ» جانە «ادىلەتتىلىكتى جۇزەگە اسىرۋعا كەدەرگى جاساۋ» باپتارى بويىنشا تىركەلگەن قىلمىستىق ءىس اياسىندا اتالىپ وتىر”،- دەپ جازدى تەلەگرامم ارناسىندا.
ۇلتتىق قۇرىلتاي مۇشەسىنىڭ ۇستالعانى تۋرالى اقپاراتتى پوليتسيا راستامادى.
“ايگۇل ورىنبەكتى شىمكەنت قالالىق ءىىب ۇستاماعانىن حابارلايمىز”، دەلىنگەن حابارلامادا.
ايتا كەتەيىك، ايگۇل ورىنبەك – قىزىلوردا وبلىسى شيەلى اۋدانىندا دۇنيەگە كەلگەن. ۇلتتىق قۇرىلتاي مۇشەسى، قازاقستان پرەزيدەنتىنىڭ جانىنداعى ۇلتتىق قوعامدىق سەنىم كەڭەس مۇشەسى. كاسىپكەر، زاڭگەر، بلوگەر.
