Құқық қорғаушы, Ұлттық қоғамдық сенім кеңесінің (ҰҚТК) мүшесі Айгүл Орынбектің ұсталғаны туралы ақпарат тарады. Дегенмен, Шымкент қаласының полиция департаметі заңгерді қамауға алмағанын айтты, деп хабарлайды “Адырна” ұлттық порталы.
Айгүл Орынбектің қамауға алынғаны туралы журналист Михаил Козачков телеграмм арнасында жазды.
“Қазір ол полицияда. Оның аты «Алаяқтық», «Сотқа дейінгі өндіріс мәліметтерін жария ету» және «Әділеттілікті жүзеге асыруға кедергі жасау» баптары бойынша тіркелген қылмыстық іс аясында аталып отыр”,- деп жазды телеграмм арнасында.
Ұлттық құрылтай мүшесінің ұсталғаны туралы ақпаратты полиция растамады.
“Айгүл Орынбекті Шымкент қалалық ІІБ ұстамағанын хабарлаймыз”, делінген хабарламада.
Айта кетейік, Айгүл Орынбек – Қызылорда облысы Шиелі ауданында дүниеге келген. Ұлттық құрылтай мүшесі, Қазақстан президентінің жанындағы Ұлттық қоғамдық сенім кеңес мүшесі. Кәсіпкер, заңгер, блогер.
