ەلىمىزدىڭ باس مەرەكەسى – رەسپۋبليكا كۇنىنە وراي «قارا شاڭىراق» قوعامدىق بىرلەستىگى جاس وتباسىلار اراسىندا «قازاعىمنىڭ داستۇرلەرى-اي!» قالالىق ۇلتتىق-ەتنوگرافيالىق سايىسىن ۇيىمداستىردى. اتالعان ءىس-شارا استانا قالالىق تىلدەردى دامىتۋ جانە ارحيۆ ءىسى باسقارماسىنا قاراستى «رۋحانيات» كمم-ءنىڭ قولداۋىمەن ءوتتى.
«قارا شاڭىراق» قوعامدىق بىرلەستىگىنىڭ ءتورايىمى تۇرار ساتتارقىزى بۇل ءىس-شارانىڭ باستى ماقساتى – قازاق حaلقىنىڭ سaلت-داستۇرلەرىن، ادەت-عۇرىپتaرىن زامانعا ساي جاڭعىرتۋ ەكەنىن ايتادى. سونداي-اق ول وتباسى ينستيتۋتىنىڭ مارتەبەسىن كوتەرىپ، ءداستۇرلى وتبaسىلىق قۇندىلىقتaردى جاستار اراسىندا دارىپتەۋ ماڭىزدى ەكەنىن ەسكەرتتى.
«بيىل بۇل ءىس-شارا بيىل ەكىنشى رەت ۇيىمداستىرىلىپ جاتىر. ەلىمىزدە وتباسىلاردىڭ اراسىندا «مەرەيلى وتباسى» دەگەن سەكىلدى نەشە ءتۇرلى بايقاۋلار بار. بىراق ءدال جاس وتباسىلاردىڭ اراسىندا، ونىڭ ۇستىنە ەتنوگرافيالىق باقىتتا ۇيىمداستىرىلاتىن بايقاۋ جوقتىڭ قاسى. مۇمكىن باسقا وبلىستاردا ءوتىپ جاتقان شىعار، بىراق استانادا مۇنداي ءىس-شارا وتكىزىلمەگەن بولاتىن.
وكىنىشكە قاراي قازىر جاس وتباسىلار اراسىندا اجىراسۋ بەلەڭ الىپ بارا جاتىر. بۇدان بولەك بىزدە ۇرپاق تاربيەسىنە بايلانىستى قانشاما ماسەلە بار. وسىعان بايلانىستى تاتۋلاسۋ ورتالىعى اشىلىپ، ماسەلەمەن كۇرەسىپ جاتىرمىز. بىراق ءبىز پروبلەمامەن كۇرەسەتىن ەمەس، ونىڭ الدىن الاتىن ءىس-شارالار ۇيىمداستىرمايمىز. وتباسىنداعى زورلىق-زومبىلىقپەن كۇرەسپەس بۇرىن جاس جانۇيالاردىڭ اراسىنداعى جاراسىمدىلىقتى نىعايتۋعا نازار اۋدارۋ كەرەك. ءبىز ۇرپاقتىڭ تاربيەسىنە كوڭىل ءبولىپ، وتباسى قۇندىلىقتارىنىڭ ماڭىزىن ارتتىرۋعا ءمان بەرگەن ءجون.
مىسالى قازىر سايىسقا قاتىسقان جاس وتباسىلار ءماز بولىپ، ريزا بولىپ جاتىر. ناقتىراق ايتسام سايىسقا قاتىسۋشىلار «بيىل دايىندىعىمىز ءالسىز بولىپ قالدى. كەلەر جىلى ۇيىمداستىرىلسا، تىڭعىلىقتى دايىندالامىن. قامشىنى قالاي ورەتىنىن ءوزىم ۇيرەنىپ الامىن» دەپ نامىسقا تىرسىپ جاتىر. ءبىز بايقاۋدىڭ بولاتىنىن الدىن الا ءبىر اي بۇرىن جاريالايمىز. ولار ءبىر اي بويى ىزدەنىپ، ءارتۇرلى كىتاپتاردى وقيدى. ماسەلەن جاس كەلىنشەكتەر قارىن بۇرمە مەن ورمەتوس سەكىلدى ۇلتتىق تاعامداردى كۇندەلىكتى دايىنداپ جۇرمەگەننەن كەيىن ونىڭ قالاي دايىندالاتىنىن جان-جاعىنان سۇراستىرىپ، ازىرلەيدى. وسى ارقىلى جاس وتباسىلاردىڭ رۋحاني ءبىلىمى تولىسىپ، ونى بالالارىنا ۇيرەتەتىن بولادى. بۇل دەگەنىمىز ۇرپاقتار ساباقتاسىعىنىڭ بەرىك بولۋىنا اسەر ەتەدى»، – دەيدى ول.
وتاسبىلىق سايىسقا جازۋشى، مەملەكەت جانە قوعام قايراتكەرى اكىم ىسقاق، قر پرەزيدەنتتىك ورتالىعى مادەني جانە ءبىلىم بەرۋ جوبالارى قىزمەتىنىڭ جەتەكشى عىلىمي قىزمەتكەرى اقبوتا حاميتوۆا، «قازاق انالارى – داستۇرگە جول» رەسپۋبليكالىق قوعامدىق بىرلەستىگىنىڭ ءتورايىمى، اكتريسا اينۇر جۇگىنىسوۆا، استانا قالالىق ق.مۇحامەدحانوۆ اتىنداعى №90 مەكتەپ-گيمنازياسىنىڭ ۇستازى، ايتىسكەر اقىن ازامات مالجانباي جانە «قر جۋرناليستەر وداعىنىڭ مۇشەسى تۇرار شاكەن قازىلىق ەتتى. ءۇش كەزەڭنەن تۇرعان سايىسقا 15-كە جۋىق جاس وتباسىدان ءوتىنىم ءتۇسىپ، بايقاۋ شارتىنا سايكەس 8 وتباسى ىرىكتەلىپ الىندى.
تارتىستى وتكەن بايقاۋدا باس جۇلدە مەكەباي وتباسىنا بۇيىرسا، ءبىرىنشى ورىندى مۇقاجانوۆتار وتباسى، ەكىنشى ورىندى سەمبەكوۆتەر وتباسى جانە ءۇشىنشى ورىندى ساۋحانوۆ پەن حىزايحان وتباسى يەلەندى. ال ارنايى نوميناتسيا بويىنشا «ونەگەلى وتباسى» - قاليتوۆتار وتباسى، «داستۇرگە بەرىك وتباسى» - پىرىمقۇلوۆتار وتباسى جانە «كورەرمەن كوزايىمى» - مۇقانوۆتار وتباسىنا تابىستالدى.
