17 جاستاعى ءجاسوسپىرىم ليفتتە 5 جانە 13 جاستاعى قىزدارعا جىنىس مۇشەسىن كورسەتكەن، دەپ حابارلايدى "ادىرنا" ۇلتتىق پورتالى.
جاعا ۇستاتارلىق وقيعا تۋرالى «نە مولچي KZ» قورى جازدى. بۇل ىسكە قاتىستى ماڭعىستاۋ وبلىستىق پد ءباسپاسوز قىزمەتى تۇسىنىكتەمە بەردى.
كامەلەتكە تولماعان بالالاردىڭ اناسى «نە مولچي KZ» قورىنا قازىرگى جاعدايدى ايتقان.
«11 قازان كۇنى تۇسكى ۋاقىتتا پودەزگە كىرگەن. 13 جاستاعى قىز بالا جىگىتتى ريۋكزاگىنىڭ جارقىراعانىنان بىردەن بايقاپ، ونى بۇرىن كورمەگەنىن، جاڭادان كەلگەن كورشى بولار دەپ ويلايدى. ول قىزداردان بۇرىن پودەزگە كىرىپ ۇلگەرگەن. ارادا 2-3 مينۋت وتكەندە اناسى تەلەفونىنىڭ كامەراسىن قوسىپ، جۇگىرىپ شىعادى. سەبەبى قىزى قوڭىراۋ شالىپ، بىرەۋ رەنجىتكەنىن ايتىپ جىلايدى.
بەلگىلى بولعان، جاس جىگىت ولاردى كىرەبەرىستە كۇتىپ الىپ، ارتىنشا ليفت جابىلماي جاتىپ، جىنىس مۇشەلەرىن اشىپ كىرىپ، قىزدارعا تيىسە باستاعان. 13 جاستاعى قىز بالا سىلەيىپ قاتىپ قالىپ، مۇلدە قوزعالا دا، ايقايلاي دا الماي قالادى. بەس جاستاعى ءسىڭىلىسىنىڭ ۇرەيلەنگەن كوزدەرىن كورگەندە عانا «جۇگىر، جۇگىر» دەپ ايتا العان. سودان كەيىن عانا ولار دالاعا جۇگىرىپ شىققان.
قىزداردىڭ اناسى بالالارىن دەرەۋ ۋچاسكەلىك پوليتسيا قىزمەتكەرىنە اپاردى. كامەرادا ءتۇسىپ قالعان ۆيدەو وقيعانى دالەلدەيدى. 12 قازاندا ول سول جەردە بولعانىن مويىنداعانمەن، مۇنداي ارەكەت جاساماعانىن ايتتى»، - دەپ جازدى قور.
ۇيىمنىڭ حابارلاۋىنشا، قىزداردىڭ اتا-اناسى پوليتسياعا ارىز جازعانىمەن ءىس بويىنشا ەشنارسە قابىلدانباعان. مالىمەتتەر بويىنشا، جابىرلەنۋشىلەردىڭ اناسى كۇدىكتىنى 16 قازاندا ءوز اۋلاسىندا كورگەن.
«جىگىتتىڭ تۋىستارى اناسىنا كەلىپ، ارىزىنان باس تارتۋىن وتىنگەن. ولاردىڭ ناقتى مەكەنجايىن كىم بەردى؟ پوليتسيا ما؟ ونىڭ كىناسى جوق، سپورتشى، ءبىلىمدى وقۋشى، سىنىپ ستاروستاسى ەكەنى ايتىلدى. ءبىز ول جىگىتتى كوردىك: ءيا، شىنىندا دا، ۇزىن بويلى، كەلبەتتى جىگىت ەكەن. بىراق نەلىكتەن مۇنداي ىسكە باردى؟ بۇل قىلمىس ءۇشىن جازا بار. اناسى قارىزعا بەلشەسىنەن باتىپ، ادۆوكات جالداعان ءارىى ارىزىنان باس تارتپايدى. ويتكەنى بۇل جىگىتتى قازىر توقتاتپاسا، ودان دا اۋىر قىلمىستارعا بارۋى مۇمكىن»، - دەپ جازدى «نە مولچي KZ» قورى.
