17 jastaǧy jasöspırım liftte 5 jäne 13 jastaǧy qyzdarǧa jynys müşesın körsetken, dep habarlaidy "Adyrna" ūlttyq portaly.
Jaǧa ūstatarlyq oqiǧa turaly «Ne molchi KZ» qory jazdy. Būl ıske qatysty Maŋǧystau oblystyq PD baspasöz qyzmetı tüsınıkteme berdı.
Kämeletke tolmaǧan balalardyŋ anasy «Ne molchi KZ» qoryna qazırgı jaǧdaidy aitqan.
«11 qazan künı tüskı uaqytta podezge kırgen. 13 jastaǧy qyz bala jıgıttı riukzagynyŋ jarqyraǧanynan bırden baiqap, ony būryn körmegenın, jaŋadan kelgen körşı bolar dep oilaidy. Ol qyzdardan būryn podezge kırıp ülgergen. Arada 2-3 minut ötkende anasy telefonynyŋ kamerasyn qosyp, jügırıp şyǧady. Sebebı qyzy qoŋyrau şalyp, bıreu renjıtkenın aityp jylaidy. Belgılı bolǧan, jas jıgıt olardy kıreberıste kütıp alyp, artynşa lift jabylmai jatyp, jynys müşelerın aşyp kırıp, qyzdarǧa tiıse bastaǧan. 13 jastaǧy qyz bala sıleiıp qatyp qalyp, mülde qozǧala da, aiqailai da almai qalady. Bes jastaǧy sıŋılısınıŋ üreilengen közderın körgende ǧana «jügır, jügır» dep aita alǧan. Sodan keiın ǧana olar dalaǧa jügırıp şyqqan. Qyzdardyŋ anasy balalaryn dereu uchaskelık polisiia qyzmetkerıne apardy. Kamerada tüsıp qalǧan video oqiǧany däleldeidı. 12 qazanda ol sol jerde bolǧanyn moiyndaǧanmen, mūndai äreket jasamaǧanyn aitty», - dep jazdy qor.Ūiymnyŋ habarlauynşa, qyzdardyŋ ata-anasy polisiiaǧa aryz jazǧanymen ıs boiynşa eşnärse qabyldanbaǧan. Mälımetter boiynşa, jäbırlenuşılerdıŋ anasy küdıktını 16 qazanda öz aulasynda körgen.
«Jıgıttıŋ tuystary anasyna kelıp, aryzynan bas tartuyn ötıngen. Olardyŋ naqty mekenjaiyn kım berdı? Polisiia ma? Onyŋ kınäsı joq, sportşy, bılımdı oquşy, synyp starostasy ekenı aityldy. Bız ol jıgıttı kördık: iä, şynynda da, ūzyn boily, kelbettı jıgıt eken. Bıraq nelıkten mūndai ıske bardy? Būl qylmys üşın jaza bar. Anasy qaryzǧa belşesınen batyp, advokat jaldaǧan ärıı aryzynan bas tartpaidy. Öitkenı būl jıgıttı qazır toqtatpasa, odan da auyr qylmystarǧa baruy mümkın», - dep jazdy «Ne molchi KZ» qory.
Ūqsas jaŋalyqtar
