ىشكى ىستەر ءمينيسترىنىڭ ورىنباسارى يگور لەپەحا پروباتسيالىق باقىلاۋدى بۇزعانى ءۇشىن سوتتالعان دەپۋتات داۋلەت تۇرلىحانوۆتىڭ ۇلى نۇراسىل بولاتتىڭ ىسىنە قاتىستى پىكىر ءبىلدىردى، دەپ حابارلايدى «ادىرنا» ۇلتتىق پورتالى.
ءماجىلىس الاڭىندا جۋرناليستەر ىشكى ىستەر مينيسترلىگى باسشىسىنىڭ ورىنباسارىنان پروباتسيالىق باقىلاۋدى قاداعالاۋعا جاۋاپتى قىزمەتكەرلەرگە قاتىستى تەرگەۋ جۇرگىزىلە مە دەپ سۇرادى.
«ءبىز بۇل ءىس بويىنشا قىزمەتتىك تەكسەرۋ جۇرگىزدىك. قاتاڭ شارالار قولدانىلدى، ءبىزدىڭ قىزمەتكەرلەر جازالاندى»، - دەدى لەپەحا.
ەسكە سالايىق، 2024 جىلدىڭ مامىر ايىندا نۇراسىل بولات ادۆوكات ولەگ چەرنوۆ پەن ونىڭ ايەلى اننانى ۇرىپ-سوققانى ءۇشىن ەكى جىلعا باس بوستاندىعىنان ايىرىلعان ەدى. نۇراسىل بولات باس بوستاندىعىن شەكتەۋ جازاسىن وتەپ، الماتى پروباتسيا قىزمەتىنىڭ ەسەبىندە تۇردى. وعان تۇنگى ۋاقىتتا شىعۋعا شەكتەۋ قويىلدى. الايدا، بىرەر كۇن بۇرىن نۇراسىل بولاتتىڭ تويدا جۇرگەنى تۋرالى اقپارات تارادى. پروباتسيالىق باقىلاۋدى بۇزۋ فاكتىسى بويىنشا سوتتالۋشىعا ەسكەرتۋلەر بەرىلىپ، جازانى باس بوستاندىعىنان ايىرۋ جازاسىنا اۋىستىرۋ ماسەلەسىن شەشۋ ءۇشىن سوتقا ماتەريالدار دايىندالدى.
ەستەرىڭىزگە سالا كەتەيىك، 2023 جىلدىڭ 11 اقپانىنا قاراعان ءتۇنى الماتىدا نۇراسىل بولات ەرلى-زايىپتى ادۆوكاتتار چەرنوۆا مەن دميتريەۆيچتى ۇرىپ-سوققان بولاتىن. كەيىنىرەك تۇرلىحانوۆتىڭ ۇلى مەرزىمدى قىزمەتتىڭ قاتارداعى جاۋىنگەرى ەكەنى بەلگىلى بولدى جانە ول زاڭگەرلەردى ۇرعان جەردە بولماۋى كەرەك ەدى.
