Ishki ister mınıstriniń orynbasary Igor Lepeha probaııalyq baqylaýdy buzǵany úshin sottalǵan depýtat Dáýlet Turlyhanovtyń uly Nurasyl Bolattyń isine qatysty pikir bildirdi, dep habarlaıdy «Adyrna» ulttyq portaly.
Májilis alańynda jýrnalıster Ishki ister mınıstrligi basshysynyń orynbasarynan probaııalyq baqylaýdy qadaǵalaýǵa jaýapty qyzmetkerlerge qatysty tergeý júrgizile me dep surady.
«Biz bul is boıynsha qyzmettik tekserý júrgizdik. Qatań sharalar qoldanyldy, bizdiń qyzmetkerler jazalandy», - dedi Lepeha.
Eske salaıyq, 2024 jyldyń mamyr aıynda Nurasyl Bolat advokat Oleg Chernov pen onyń áıeli Annany uryp-soqqany úshin eki jylǵa bas bostandyǵynan aıyrylǵan edi. Nurasyl Bolat bas bostandyǵyn shekteý jazasyn ótep, Almaty probaııa qyzmetiniń esebinde turdy. Oǵan túngi ýaqytta shyǵýǵa shekteý qoıyldy. Alaıda, birer kún buryn Nurasyl Bolattyń toıda júrgeni týraly aqparat tarady. Probaııalyq baqylaýdy buzý faktisi boıynsha sottalýshyǵa eskertýler berilip, jazany bas bostandyǵynan aıyrý jazasyna aýystyrý máselesin sheshý úshin sotqa materıaldar daıyndaldy.
Esterińizge sala keteıik, 2023 jyldyń 11 aqpanyna qaraǵan túni Almatyda Nurasyl Bolat erli-zaıypty advokattar Chernova men Dmıtrıevıchti uryp-soqqan bolatyn. Keıinirek Turlyhanovtyń uly merzimdi qyzmettiń qatardaǵy jaýyngeri ekeni belgili boldy jáne ol zańgerlerdi urǵan jerde bolmaýy kerek edi.
