قىزىمىز اجداھانىڭ اپانىندا قالا بەرە مە؟

1792

قىتاي تۇرمەسىنە تۇسكەن قازاق قىزى اقجارقىن تۇرلىبايدىڭ اناسى وسىدان بىرنەشە كۇن بۇرىن فەيسبۋك پاراقشاسىندا جازبا جاريالادى. وندا "قىزىم اقجارقىننىڭ ەڭ سوڭعى شەشۋشى سوتى 3-قىركۇيەكتە قىتايدىڭ گۋانچجوۋ قالاسىندا وتەدى" دەپ جازىلعان. وقىدىق تا تاس توبەمىزدەن سۋىق سۋدى قۇيىپ جىبەرگەندەي دەل-سال كۇي كەشتىك. نەگە دەيسىز بە؟ سەبەبى قۋ قىتاي شەشۋشى سوتقا 1-اق اپتا قالعاندا حابار بەرگەن. ودان بۇرىن سوتتىڭ قاي كۇنى، قاي كەزدە بولاتىنى اقپارات ايدىنىندا ايتىلماعان.  قىزدىڭ اناسىمەن بايلانىسقاندا بۇعان دەيىنگى ءى - ساتىداعى سوتىنا اۋپىرىمدەپ بارىپ-كەلگەنىن، كەيىنگى سوتتارىنا قولدىڭ قىسقالىعىنان قىزىنىڭ ءجۇزىن كورۋگە شاماسى جەتپەگەنىن اشىنا ايتتى. اناسىنىڭ جولىنا 500 مىڭ تەڭگە قاراجات كەرەك ەكەن. ال وزگە شىعىندارىن مەملەكەت وتەيدى.  الايدا وسى 500 مىڭ تەڭگەنى تابۋدىڭ ءوزى وڭاي بولمايىن دەپ تۇر. سەبەبى ەكس دەپۋتتاتتار مەن مەتسەناتتار كومەك بەرۋدەن باستارتتى. اتىن اتاپ، ءتۇسىن تۇستەۋدەن اۋلاقپىز. ايتكەنمەن حالىق الدىندا جىلتىراپ جۇرگەن جۇلدىزداردىڭ باسىم كوپشىلىگى  اقجارقىندى تانىمايتىنىن العا تارتتى. اينالاسى ەكى-ءۇش كۇننىڭ ىشىندە الەۋمەتتىك جەلى ارقىلى وقىپ، اناسىنىڭ شوتىنا تامشىلاتىپ بولسا دا وقىرماندار بۇگىنگە دەيىن 52 مىڭنىڭ كولەمىندە عانا قاراجات اۋداردى. ءبىر تەلەفون شالۋدان سوڭ قازاقتىڭ ايگۇل ەسىمدى قىزى 50 مىڭ تەڭگە اقشالاي كومەك كورسەتتى. قىسقاسى، باس-اياعى 102 000 تەڭگە. بۇگىن "ادىرنا" ۇلتتىق پورتالىنىڭ جۋرناليستەرى اقجارقىن تۇرلىباي ءبىلىم العان قىزدار ۋنيۆەرسيتەتىنە دە بارىپ قايتتى. قۋانىشقا وراي، قىزعالداعىمىزدىڭ  ءبىلىم ورداسى كومەكتەن باستارتپادى. دەسە دە قول ۇشىن سوزۋشىلار سانى وتە از. بەتىن اۋلاق قىلسىن، ارينە، ءبىر-ەكى كۇندە تولىق قارجى جينالماسا شىرىلداعان انا اقجارقىندى بۇدان بىلاي كورمەي كەتۋى دە مۇمكىن.

ال اقجارقىننىڭ تۇرمەدەگى كۇندەرىنە كەلسەك، قىتاي جوعارى سوتى جەرلەسىمىزدىڭ سپورتپەن ۇدايى اينالىسىپ، ادەبي كىتاپتاردى ۇزدىكسىز وقىعانى ازداي، ماڭايىنداعى جازاسىن وتەۋشى قىتاي ازاماتتارىنا اعىلشىن ءتىلىن ۇيرەتىپ جۇرگەنىن تىلگە تيەك ەتىپ، جاقسى مىنەزدەمە بەرىپ وتىر. ءۇمىت پەن كۇدىكتى سەرىك ەتىپ ءبىز وتىرمىز. جوعارىداعى جاعدايدى ەسكەرە كەلە، 18 ملن حالىقتان ماتەريالدىق كومەك سۇرايمىز! كومەك بەرە الماساڭىزدار دا، دۇعادا بولىڭىزدار! تيىن-تەبەن اۋدارامىن دەۋشىلەردىڭ نازارىنا تومەندە زۋحرا سەيتيموۆانىڭ بانك كارتاسىن ۇسىندىق!

 

 

 

 

"ادىرنا" ۇلتتىق پورتالى

 

 

پىكىرلەر