Qytaı túrmesine túsken qazaq qyzy Aqjarqyn Turlybaıdyń anasy osydan birneshe kún buryn feısbýk paraqshasynda jazba jarııalady. Onda "qyzym Aqjarqynnyń eń sońǵy sheshýshi soty 3-qyrkúıekte Qytaıdyń Gýanchjoý qalasynda ótedi" dep jazylǵan. Oqydyq ta tas tóbemizden sýyq sýdy quıyp jibergendeı del-sal kúı keshtik. Nege deısiz be? Sebebi qý Qytaı sheshýshi sotqa 1-aq apta qalǵanda habar bergen. Odan buryn sottyń qaı kúni, qaı kezde bolatyny aqparat aıdynynda aıtylmaǵan. Qyzdyń anasymen baılanysqanda buǵan deıingi I - satydaǵy sotyna áýpirimdep baryp-kelgenin, keıingi sottaryna qoldyń qysqalyǵynan qyzynyń júzin kórýge shamasy jetpegenin ashyna aıtty. Anasynyń jolyna 500 myń teńge qarajat kerek eken. Al ózge shyǵyndaryn Memleket óteıdi. Alaıda osy 500 myń teńgeni tabýdyń ózi ońaı bolmaıyn dep tur. Sebebi eks depýttattar men meenattar kómek berýden bastartty. Atyn atap, túsin tústeýden aýlaqpyz. Áıtkenmen halyq aldynda jyltyrap júrgen juldyzdardyń basym kópshiligi Aqjarqyndy tanymaıtynyn alǵa tartty. Aınalasy eki-úsh kúnniń ishinde áleýmettik jeli arqyly oqyp, anasynyń shotyna tamshylatyp bolsa da oqyrmandar búginge deıin 52 myńnyń kóleminde ǵana qarajat aýdardy. Bir telefon shalýdan soń qazaqtyń Aıgúl esimdi qyzy 50 myń teńge aqshalaı kómek kórsetti. Qysqasy, bas-aıaǵy 102 000 teńge. Búgin "Adyrna" ulttyq portalynyń jýrnalısteri Aqjarqyn Turlybaı bilim alǵan Qyzdar ýnıversıtetine de baryp qaıtty. Qýanyshqa oraı, qyzǵaldaǵymyzdyń bilim ordasy kómekten bastartpady. Dese de qol ushyn sozýshylar sany óte az. Betin aýlaq qylsyn, árıne, bir-eki kúnde tolyq qarjy jınalmasa shyryldaǵan ana Aqjarqyndy budan bylaı kórmeı ketýi de múmkin.
Al Aqjarqynnyń túrmedegi kúnderine kelsek, Qytaı Joǵary soty jerlesimizdiń sportpen udaıy aınalysyp, ádebı kitaptardy úzdiksiz oqyǵany azdaı, mańaıyndaǵy jazasyn óteýshi qytaı azamattaryna aǵylshyn tilin úıretip júrgenin tilge tıek etip, jaqsy minezdeme berip otyr. Úmit pen kúdikti serik etip biz otyrmyz. Joǵarydaǵy jaǵdaıdy eskere kele, 18 mln halyqtan materıaldyq kómek suraımyz! Kómek bere almasańyzdar da, duǵada bolyńyzdar! Tıyn-teben aýdaramyn deýshilerdiń nazaryna tómende Zýhra Seıtımovanyń bank kartasyn usyndyq!
"Adyrna" ulttyq portaly
