قازاقستاندا قانداستار مەن ىشكى ميگرانتتار قونىستانعان ايماقتان تىس جەردە جۇمىس ىستەي المايدى. ەڭبەك جانە حالىقتى الەۋمەتتىك قورعاۋ مينيسترلىگى قونىس اۋدارۋدىڭ جاڭا ەرەجەلەرىن ازىرلەدى، ولار اشىق زاڭدى تۇلعالار پورتالىندا تالقىلانۋدا، دەپ حابارلايدى «ادىرنا» ۇلتتىق پورتالى.
جاڭا ەرەجەلەر باعدارلاما قاتىسۋشىلارىنىڭ تۇرعىن ءۇي ساتىپ الۋى ءۇشىن پايدالاناتىن ەكونوميكالىق ۇتقىرلىق سەرتيفيكاتتارىنا دا اسەر ەتەدى. ەندى ەڭبەك ورتالىقتارىنىڭ قىزمەتكەرلەرى ۇيلەردىڭ قۇنى كورسەتىلگەن باعاعا سايكەس كەلەتىنىن ءجىتى قاداعالايتىن بولادى.
بيىلعى جىلى قانداستار مەن وڭتۇستىكتەن سولتۇستىككە قونىس اۋدارۋشىلاردى قابىلداۋ ءۇشىن 9500-گە جۋىق كۆوتا ءبولىندى. ولاردى قازىر 2477 قانداس پەن 4500 قونىس اۋدارۋشى پايدالاندى. جىل سايىن كۆوتالار سانى 500 ادامعا ارتادى، دەپ حابارلادى ەڭبەك جانە الەۋمەتتىك قورعاۋ مينيسترلىگى.
