Qazaqstandyq tennisşı Elena Rybakina ūlttyq komanda üşın maŋyzdy sanalatyn taǧy bır turnirge qatyspaityny belgılı boldy. Būl turaly sportarena.kz. jazdy, dep habarlaidy “Adyrna” ūlttyq portaly.
Aqparatqa säikes, Qazaqstan men Oŋtüstık Koreia tennisşılerı «Billi Djin King» kubogynyŋ plei-off matchtyq kezdesuınde baq synaidy. Kuboktyŋ resmi saity ekı el qūramalarynyŋ ötınımderın jariialaǧan. Tennisten Qazaqstannyŋ äielder qūramasynan Elena Rybakina körınbeidı, bıraq komandaǧa Zarina Diias oralǧan.
Qazaqstan qūramasy matchqa Iýliia Putinseva (älemnıŋ 29-şy raketkasy), Jıbek Qūlambaeva (311), Zarina Diias (379), Anna Danilinamen (jūptyq synda älemnıŋ 23-şı raketkasy) şyǧady.
Al Oŋtüstık Koreianyŋ qūramyna Da Ion Bak (324), So Hion Pak (374), Ku Ion Vu (437), Da Bin Kim (980) kırgen.
Oiyndar Astanada 16-17 qaraşa künderı ötedı.
Eske salsaq, Elena Rybakina biyl Qazaqstan atynan jazǧy Olimpiada oiyndaryna qatyspaǧany üşın synǧa ūşyraǧan bolatyn. Sportşy Parijge auyryp qalǧanyna bailanysty bara almaǧanyn mälımdedı.
Al bır ai būryn qazaqstandyq tennisşı densaulyǧyna bailanysty Qytaida ötken WTA 1000 - China Open turnirınen bas tartqan edı.
Ūqsas jaŋalyqtar
