رەسەيدىڭ قازان قالاسىندا اباي ءمۇسىنى پايدا بولادى، دەپ دەپ حابارلايدى «ادىرنا» ءتىلشىسى Kazanfirst پورتالىنا سىلتەمە جاساپ.
باسىلىمنىڭ مالىمەتىنشە، اشىلۋ سالتاناتى 24 قازانعا جوسپارلانىپ وتىر.
«قازاندا وتەتىن بريكس ءسامميتى كەزىندە نازارباەۆ كوشەسىندەگى الاڭدا قازاقتىڭ ۇلى اقىنى اباي قۇنانباەۆقا ارنالعان ەسكەرتكىش اشىلادى. ول قازىردىڭ وزىندە ورناتىلعان، بىراق ازىرگە وراۋلى تۇر. اشىلۋ سالتاناتى 24 قازانعا جوسپارلانعان جانە قازاقستاندىق تاراپپەن بىرلەسىپ وتەدى»،—دەلىنگەن حابارلامادا.
ايتا كەتەيىك، 10 قازان كۇنى تۇرىكمەنستان استاناسى اشحابادتا پرەزيدەنت قاسىم-جومارت توقاەۆتىڭ قاتىسۋىمەن اباي ەسكەرتكىشى اشىلعان بولاتىن. قازىرگى تاڭدا الەمنىڭ تۇكپىر-تۇكپىرىندە ۇلى اقىننىڭ قۇرمەتىنە قويىلعان ەسكەرتكىشتەر بار.
