قورداي اۋدانىندا 4 بالاباقشا اشىلدى

3146
Adyrna.kz Telegram

قازاقستان رەسپۋبليكاسىنىڭ كونستيۋتتسيا كۇنى قارساڭىندا جامبىل وبلىسى، قورداي اۋدانىندا بىرنەشە بالاباقشا اشىلدى، دەپ حابارلايدى adyrna.kz ۇلتتىق پورتالى قورداي اۋدانى اكىمدىگىنىڭ ءباسپاسوز قىزمەتىنە سىلتەمە جاساپ.

قورداي اۋدانىنا قاراستى جامبىل اۋىلىندا 200 ورىندىق «اليحان-4»، العا اۋىلىندا 50 ورىندىق «ءبۇلدىرشىن»، سورتوبە اۋىلىندا  ورىندىق «توميريس» جانە گۆاردەيسك قالاشىعىندا 50 ورىندىق «ءلايسان» بالاباقشاسى اشىلدى.

اۋدان اكىمىنىڭ ورىنباسارى بەيقۇت جامانعوزوۆ اۋىل تۇرعىندارىن قر كونستيتۋتسياسى مەرەكەسىمەن قۇتتىقتاپ، اۋداندا بىرنەشە بالاباقشانىڭ پايدالانۋعا بەرىلەتىنىن جەتكىزدى. سولاردىڭ ءبىرى العا اۋىلىنداعى جەكەمەنشىك 50 ورىندىق «ءبۇلدىرشىن» بالاباقشاسى.

بالا – ءبىزدىڭ بولاشاعىمىز. سوندىقتان دا ءبىز بالالارعا قامقور بولىپ، ولاردىڭ جاقسى ءتالىم-تاربيە الىپ شىعۋىنا ىقپال ەتۋىمىز كەرەك. بۇگىنگى 50 ورىندىق بالاباقشادا بۇلدىرشىندەرگە بارلىق جاعداي جاسالعان. اتالعان بالاباقشا 2 جانە 6 جاس ارالىعىنداعى ءبۇلدىرشىندى قابىلداپ، تاربيەلەيتىن بولادى. جۋىردا ەلوردادا وتكەن تامىز كەڭەسىندە ءبىلىم جانە عىلىم ءمينيسترى اسحات ايماعامبەتوۆ بالالاردى بالاباقشاعا ەكى جاستان باستاپ قابىلداۋدى ۇسىندى. ءبىز وسى ۇسىنىستى قولداپ، بالالاردى ەكى جاستان بالاباقشاعا قابىلداپ وتىرمىز. جالپى اۋداندا قازاقستان رەسپۋبليكاسى كۇنى قارساڭىندا 4 بالاباقشا اشىلدى، – دەدى ول.

سونداي-اق، جاستار جىلى اياسىندا العا اۋىلىندا «Street Workout» الاڭى اشىلدى. بەيقۇت جامانگوزوۆتىڭ ايتۋىنشا، اتالعان الاڭشا جاستاردىڭ جاتتىعۋ جاساۋىنا ارنالعان تاماشا مۇمكىندىك. سوندىقتان دا ول اۋىل جاستارى سپورتپەن شۇعىلدانىپ، بوس ۋاقىتىن ءتيىمدى پايدالانۋى كەرەك ەكەنىن ەسكەرتتى. سونىمەن قاتار، ءىس-شارا بارىسىندا «مەكتەپكە جول» اكتسياسى اياسىندا بەس وقۋشىعا مەكتەپكە قاجەتتى زاتتار ۇسىنىلدى.

تاعى ءبىر مەكتەپكە دەيىنگى ءبىلىم بەرۋ مەكەمەسىنىڭ ءبىرى «ليايسان S» بالاباقشاسى. اتالعان بالاباقشا 3-6 جاس ارالىعىنداعى بالعىنداردى تاربيەلەپ، جۇمىس جاسايتىن بولادى. اشىلۋ سالتاناتىنا اۋدان اكىمىنىڭ ورىنباسارى بەيقۇت جامانعوزوۆ جانە اۋىل تۇرعىندارى قاتىسىپ، اقجارما تىلەكتەرىن ايتتى. اقساقالداردىڭ ايتۋىنشا، بالاباقشانىڭ اتا-انالار ءۇشىن پايداسى زور. ويتكەنى بالاباقشاعا بالاسىن اكەلىپ، الاعسىز جۇمىس ىستەۋگە بولادى.

سونىمەن قاتار، مەرەكەلىك كونتسەرت ۇيىمداستىرىلىپ، جينالعان كوپشىلىك بالالاردىڭ ونەرىن تاماشالادى.

«ادىرنا»

ۇلتتىق پورتالى

پىكىرلەر