دينا ەلگەزەك: قازاق ورىس ءۇشىن جارالعان ۇلت!

1462

ءالى ء"تىرى" ەكەنسىڭدەر عوي... بيلىك بەرسە، 86-داعىداي ءالى دە باسىمىزدى كۇرەكپەن شابۋعا دايىن ەكەنسىڭدەر. سەندەر ءۇشىن بۇ قازاق نە ىستەمەدى؟ ەكونوميكالىق وداق قۇرىپ بەردى. اسسامبلەيا اشىپ بەردى. كوممۋنيستەرىڭ پارلامەنتتىڭ تورىندە وتىر. تۋىستارىڭ بۇكىل ستراتەگيالىق ماڭىزدى ورىنداردا وتىر باستىق بولىپ. قۇجاتتار تۇگەل رەسمي سەندەردىڭ تىلدەرىڭدە. پرەزيدەنت تەك سەندەردىڭ تىلدەرىڭدە مەملەكەتتىك جيىنداردى وتكىزەدى. بۇكىل بيلىك سەندەردىڭ تىلدەرىڭدە عانا ءسويلەيدى. سەندەر ءۇشىن بۇكىل كوشەدەگى جازۋلار ورىس تىلىندە جازىلادى. سەندەر ءۇشىن بۇكىل تۆ مەن گازەتتىڭ جارتىسى ورىسشا شىعادى. سەندەر ءۇشىن قازاق سايتتارىنان گورى ورىس سايتتارىنا اقشا ون ەسە كوپ بولىنەدى. سورلى قازاق جۋرناليستەرى تىلەمسەك بولىپ جۇرە بەرسىن، تەك سەندەر ارىز ايتىپ، سەندەر اشۋلانىپ، سەندەر بيلىك تۋرالى جامان جازباساڭدار بولدى. سەندەر ءۇشىن ورىس مەكتەپتەرى مەن ورىس دراما تەاترلارى بار. سەندەر ءۇشىن نپز-لاردى مودەرنيزاتسيادان وتكىزبەيمىز. ويباي-اۋ، ايتپەسە سەندەردىڭ بەنزيندەرىڭدى كىم الادى؟ سەندەرىڭ يمپەرلىك - ەكونوميكالىق مۇددەلەرىڭ تۇرعاندا، قازاققا نە جورىق؟ ەۋرازيالىق وداقتىڭ بۇكىل تالاپتارىن سەندەردىڭ يكەمدەرىڭە جاسايمىز. سەندەر ءۇشىن پەتروپاۆل مەن پاۆلوداردىڭ اتىن اۋىستىرمايمىز. جەلتوقساندا باۋىرلارىمدى كۇرەكپەن ۇرىپ، تەڭ جارتىسىن مايىپ قىلعان شوۆيكتەرىڭ ارامىزدا ءالى جارقىراپ ءجۇر. تۇك بولماعانداي... ءبارى سەندەردىڭ قامدارىڭ ءۇشىن. قازاق ورىس ءۇشىن جارالعان ۇلت. سەندەرسىز ءولىپ قالامىز. ەەەە... بۇلار نە قىپ استىرتىن تاجينگە شۇيلىگىپ، "زاكازنوي" ماتەريالدى كوبەيتىپ جىبەردى دەسەم.... ارينە شوۆينيستەرگە "رۋxاني جاڭعىرۋ" سەكىلدى ۇلتتىق مەملەكەت قۇرۋعا نەگىز بولاتىن مەملەكەتتىك باعدارلامالار ۇنامايدى. ارينە تاريxىمىزدى تۇگەندەيتىن "ۇلى دالانىڭ جەتى كەرەمەتىنە" شۇيلىگەسىڭدەر. ارينە قازاقتىڭ لاتىن الىپبيىنە وتۋىنە جاندارىڭمەن قاس بولاسىڭدار. جانە ارينە مۇنداي ۇلتتىق باعدارلامالاردىڭ باستاۋىندا تۇرعان تۇلعاعا وشسىڭدەر. سەندەرگە يدەولوگيانىڭ باسىندا شوۆينيستەرگە جاقىنداۋ باسقا بىرەۋدىڭ كەلگەنى كەرەك. قايتا-قايتا ماراتتى "شۇقىپ" جۇرگەندەرىڭ سول... سەندەر ءۇشىن جۇماق ءومىر جاساپ قويساق تا، ورمانعا قاراپ ۇلىيسىڭدار...

دينا ەلگەزەك
"ادىرنا" ۇلتتىق پورتالى
پىكىرلەر