اقتوبە وبلىسىنىڭ حرومتاۋ جانە مۇعالجار اۋداندارى پروكۋراتۋرالارى مەكتەپكە دەيىنگى مەكەمەلەردە 240 ملن تەڭگەدەن استام بيۋدجەت قاراجاتىن تالان-تاراجعا سالۋ فاكتىلەرىن انىقتادى. بۇل تۋرالى بۇگىن، 21 قازاندا وبلىستىق پروكۋراتۋرانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«بيۋدجەت قاراجاتتارى جۇمىسشىلارعا قوسىمشا سىيلىقاقى بەرۋدە بيۋدجەتتىك وتىنىمدەردى نەگىزسىز جوعارىلاتۋ ارقىلى يەمدەنiلگەن. باقىلاۋسىز وزگەرىستەر ەنگىزىلىپ، ونىڭ ىشىندە باسشىلارعا سىيلىقاقى بەرۋ تۋرالى بۇيرىقتارعا سومالاردى اسىرا كوتەرگەن.يەمدەنىپ الۋ سحەمالارى جالاقىنى بەلگىلەنگەن نورمادان تىس اۋدارۋ، اۋدارىمداردى قايتالاۋ، جالعان ءىسساپارلار ارقىلى جۇزەگە اسىرىلعان.
سونىمەن قاتار، ەسەپشىلەردىڭ ءبىرى كەيبىر قىزمەتكەرلەرگە جوعارىلاتىلعان جالاقى، قوسارلانعان ەڭبەك دەمالىسى مەن ءىسساپار تولەمدەرىن زاڭسىز ەسەپتەۋ ارقىلى جالپى كولەمى 24 ملن تەڭگەدەن استام قاراجاتتى يەمدەنگەن»،—دەلىنگەن حابارلامادا.
اۋدان پروكۋراتۋرالارىمەن اۋداندىق ءبىلىم ءبولىمىنىڭ بۇرىنعى باسشىلارىنا، 3 بالاباقشا مەڭگەرۋشىلەرى مەن 4 ەسەپشىگە قاتىستى قك-ءتىڭ 189-بابىنىڭ 4-بولىگىنىڭ 2-تارماعىمەن (اسا ءىرى مولشەردە cەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) سوتقا دەيىنگى تەرگەپ-تەكسەرۋ باستالدى.
بارلىق كورسەتىلگەن فاكتى بويىنشا سىبايلاس جەمقورلىققا قارسى كۇرەس قىزمەتىمەن سوتقا دەيىنگى تەرگەپ-تەكسەرۋلەر جۇرگىزىلىپ جاتىر.
