ەلوردالىق پوليتسەيلەر شەتەلدىكتى قازاقستان رەسپۋبليكاسىنان شىعارىپ جىبەردى، دەپ حابارلايدى «ادىرنا» ۇلتتىق پورتالى.
جەدەل-الدىن الۋ ءىس-شاراسىن وتكىزۋ بارىسىندا «ەسىل» اۋدانىنىڭ كوشى-قون قىزمەتكەرلەرى نيگەريا ازاماتىن ۇستادى.
«21 جاستاعى ميگرانت اعىمداعى جىلدىڭ مامىر ايىندا سوت شەشىمىمەن ەلدەن شىعارىلعانى انىقتالدى. الايدا شەتەلدىك ءوز ەركىمەن قازاقستان رەسپۋبليكاسىنىڭ اۋماعىنان كەتپەگەن. استانا مەن الماتىدا قوناقۇيلەردە تازالاۋشى بولىپ جۇمىس ىستەگەن. اكىمشىلىك سوتتىڭ شەشىمىمەن شەتەلدىك ەلدەن ءماجبۇرلى تۇردە شىعارىلدى. ول اۋە رەيسىمەن وتانىنا جىبەرىلدى»، - دەپ حابارلادى پوليتسيا.
