جاڭا وقۋ جىلى باستالعالى قازاقستان وڭىرلەرىندە 130 مىڭ وقۋشى ورنىنا ارنالعان 86 مەكتەپ اشىلدى، دەپ حابارلايدى «ادىرنا» ۇلتتىق پورتالى.
مەملەكەت باسشىسىنىڭ باستاماسىمەن جۇزەگە اسىرىلعان «جايلى مەكتەپ» ۇلتتىق جوباسى اياسىندا 74,8 مىڭ وقۋشىعا ارنالعان 27 مەكتەپ اشىلدى.
جوبا اياسىندا ءبىلىم بەرۋ ورتاسىنىڭ فۋنكتسيونالدىعى مەن قاۋىپسىزدىگىنە ەرەكشە كوڭىل ءبولىندى. باستاۋىش جانە جوعارى سىنىپ وقۋشىلارىنا ارنالعان جەكە بلوكتار قاراستىرىلعان. سونداي-اق، زاماناۋي تەحنيكالىق قۇرالدار ارقىلى قاۋىپسىزدىك شارالارىن كۇشەيتىپ، ەرەكشە ءبىلىم بەرۋ قاجەتتىلىگى بار بالالارعا قولايلى ورتا جاساۋ جانە مەكتەپتەردى زاماناۋي پاندىك كابينەتتەرمەن جابدىقتاۋ تالاپتارى قويىلعان، دەيدى قر وقۋ-اعارتۋ مينيسترلىگىنىڭ ءباسپاسوز قىزمەتى.
ايتا كەتەيىك، «جايلى مەكتەپ» ۇلتتىق جوباسى اياسىندا 2025 جىلدىڭ سوڭىنا دەيىن 217 زاماناۋي فورماتتاعى مەكتەپتى پايدالانۋعا بەرۋ جوسپارلانعان. ءبىلىم بەرۋ ينفراقۇرىلىمىن قولداۋ قورى ارقىلى 18 مەكتەپ، ال قالعان 41 مەكتەپ رەسپۋبليكالىق جانە جەرگىلىكتى بيۋدجەتتەر، سونداي-اق ينۆەستيتسيالار ەسەبىنەن اشىلدى.
