قازاقستاننىڭ ەڭبەك سىڭىرگەن قايراتكەرى، مۇحتار اۋەزوۆ اتىنداعى قازاق ۇلتتىق دراما تەاترىنىڭ اكتريساسى بايان يماشەۆا ومىردەن ءوتتى. بۇل تۋرالى تەاتردىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
“بويىنداعىى ساحنا شەبەرىنە ءتان ويلىلىق پەن دارالىق، تەاترعا، ونەرگە دەگەن ادالدىعى - قازاق تەاتر ەنەرىنىڭ قاراشاڭىراعى مۇحتار اۋەزوۆ اتىنداعى قازاق ۇلتتىق دراما تەاترىنىڭ ساحناسىندا جۇزدەن اسا ءرول مەن قازاق تاريحىنداعى سان تاعدىرلى ايەلدەر بەينەسىن سومداتتى. ونەگەگە تولى ومىرىندە، ونەرگە ارناعان سانالى عۇمىرىندا اكتريسانىڭ قازاق تەاترى مەن كينوسىنا، مادەنيەتىنە قوسقان ۇلەسى ولشەۋسىز دەپ بىلەمىز.
مۇحتار اۋەزوۆ اتىنداعى قازاق ۇلتتىق دراما تەاترىنىڭ ۇجىمى قايعىعا ورتاقتاسىپ، مارقۇمنىڭ وتباسى مەن جاقىندارىنا، تۋعان-تۋىستارىنا كايعىرا كوڭىل ايتادى”، دەلىنگەن تەاتر حابارلاماسىندا.
