13 قازاندا يزرايل اسكەرى ليۆانداعى بىتىمگەرشىلىك بازاسىنا باسىپ كىرىپ، نەگىزگى قاقپانى تانكپەن قيراتتى. سالدارىنان 15 سارباز جارالاندى. بۇگىن قورعانىس مينيسترلىگى قازاقستاندىق بىتىمگەرلەردىڭ جاعدايىنا قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
مينيسترلىك شيەلەنىسكەن جاعداي قازاقستاندىق بىتىمگەرلەردىڭ قىزمەتتىك ورىندارىنان قاشىق ورنالاسقانىن مالىمدەدى. ايتۋلارىنشا، قازىرگى ۋاقىتتا شتابتىڭ ءۇش وفيتسەرىنەن قۇرالعان قازاقستاندىق بىتىمگەرلەر ادەتتەگىدەي جۇمىسىن جالعاستىرىپ جاتىر.
«جاعداي ۋشىعىپ كەتكەن جاعدايدا قازاقستاندىق اسكەري قىزمەتكەرلەردى ەۆاكۋاتسيالاۋ ماسەلەسى بۇۇ حاتشىلىعىمەن جانە ميسسيا باسشىلىعىمەن بىرلەسىپ شەشىلەدى»،—دەدى دەپارتامەنتتىڭ رەسمي وكىلى رۋسلان جانگۋلين.
بۇعان دەيىن يزرايل اسكەرى بەيرۋتتەگى «حەزبوللانىڭ» ينفراقۇرىلىمدىق نىساندارىنا زىمىران شابۋىلدارىن جاساعان ەدى.
