اقش پرەزيدەنتتىگىنە ۇمىتكەر دونالد ترامپ قازىرگى امەريكا ۇكىمەتىنىڭ ارەكەتتەرىنە بايلانىستى جاھاندىق اۋقىمداعى اسكەري قاقتىعىس تۋرالى قاۋىپتەنەتىنىن ايتتى، دەپ حابارلايدى «ادىرنا» ۇلتتىق پورتالى. بۇل پىكىرىن ول RSBN YouTube ارناسىندا كورسەتىلگەن كاليفورنياداعى ۇگىت-ناسيحات جيىنىنداعى سوزىندە ايتقان ەدى.
ترامپ ءۇشىنشى دۇنيەجۇزىلىك سوعىسقا جول بەرىلەتىنىن جانە قازىرگى اقش پرەزيدەنتى دجو بايدەن كەزىندە قاقتىعىس ءۇش ايدان كەيىن باستالۋى مۇمكىن ەكەنىن اتاپ ءوتتى.
«مەن الداعى ءۇش-ءتورت ايدا ءبىزدىڭ ۇكىمەتتەگى ادامداردىڭ كەسىرىنەن دۇنيەجۇزىلىك سوعىس بولادى دەپ الاڭدايمىن»، - دەدى ول.
بۇعان دەيىن ترامپ قاۋىپسىزدىگى ءۇشىن اسكەري ۇشاقتى تالاپ ەتكەنى حابارلانعان بولاتىن. اقش-تىڭ قازىرگى پرەزيدەنتى دجو بايدەن ونى قاۋىپسىزدىك ءۇشىن قاجەت نارسەنىڭ ءبارىن الاتىنىنا سەندىردى.
ەلدە پرەزيدەنت سايلاۋى 5 قاراشادا وتەدى. دەموكراتيالىق پارتيا اقش-تىڭ قازىرگى كوشباسشىسى دجو بايدەندى ۇسىنادى دەپ بولجانعان، بىراق رەسپۋبليكالىق پارتيانىڭ ۇمىتكەرى ترامپپەن ماۋسىم ايىنداعى پىكىرسايىستان كەيىن ول سايلاۋدان باس تارتۋ تۋرالى شەشىم قابىلدادى جانە جانە چيكاگودا ءوتىپ جاتقان دەموكراتيالىق پارتيا سەزىندە دەلەگاتتار اقش پرەزيدەنتتىگىنە ۇمىتكەر رەتىندە رەسمي تۇردە ماقۇلداعان ەلدىڭ ۆيتسە-پرەزيدەنتى كامالا ءحارريستىڭ كانديداتۋراسىن قولدادى.
