Parıj Olımpıadasynyń qola júldegeri, eki dúrkin álem chempıony Nazym Qyzaıbaı bokstan Qazaqstan áıelder quramasynyń kapıtany atandy, dep habarlaıdy «Adyrna» ulttyq portaly.
Bokstan Qazaqstan áıelder quramasynyń Túrkistan oblysyndaǵy oqý-jattyǵý jıyny aıasynda, bapkerler men boksshylardyń qatysýymen jınalys ótip, qurama kapıtany anyqtaldy. Sportshylardyń basym kópshiliginiń daýysymen Parıj Olımpıadasynyń qola júldegeri, eki dúrkin álem chempıony Nazym Qyzaıbaı bokstan Qazaqstan áıelder quramasynyń kapıtany retinde saılandy.
Qazirgi ýaqytta burymdy boksshylar Azııa chempıonatyna daıyndyq ústinde. Qurlyqtyq birinshilik 30 qarasha men 11 jeltoqsan aralyǵynda Iordanııada ótedi.
