فلوريداعا سوققان «ميلتون» داۋىلىنان قازا تاپقاندار سانى 15 ادامعا جەتتى، دەپ حابارلايدى «ادىرنا» ۇلتتىق پورتالى.
داۋىل قۇرباندارىن ىزدەۋ ءالى دە جالعاسۋدا. زارداپ شەككەن ايماقتاردان كەلگەن اقپارات بويىنشا قۇرباندار سانى ءوسۋى مۇمكىن.
داۋىل كەزىندە 340 ادام مەن 49 ءۇي جانۋارى قۇتقارىلدى. اقش ىشكى قاۋىپسىزدىك ءمينيسترى الەحاندرو مايوركاستىڭ ايتۋىنشا، فلوريدا تۇرعىندارىنا جەر ۋچاسكەلەرىن تارتىپ الادى دەگەن جالعان اقپاراتتار تارالىپ ۇرەي تۋعىزعان. سوندىقتان كەيبىر تۇرعىندار قۇتقارۋشىلاردىڭ كومەگىنەن باس تارتۋدا.
«ميلتون» باستاپقىدا 3-ساناتتاعى داۋىل بولىپ، فلوريدانىڭ ساراسوتا وكرۋگىنە جەتكەندە السىرەپ، 1-ساناتتاعى داۋىلعا اينالدى. Fitch Ratings اگەنتتىگى داۋىلدىڭ مۇلىككە كەلتىرگەن شىعىنىن 30-50 ميلليارد دوللار دەپ باعالادى.
