Флоридаға соққан «Милтон» дауылынан қаза тапқандар саны 15 адамға жетті, деп хабарлайды «Адырна» ұлттық порталы.
Дауыл құрбандарын іздеу әлі де жалғасуда. Зардап шеккен аймақтардан келген ақпарат бойынша құрбандар саны өсуі мүмкін.
Дауыл кезінде 340 адам мен 49 үй жануары құтқарылды. АҚШ ішкі қауіпсіздік министрі Алехандро Майоркастың айтуынша, Флорида тұрғындарына жер учаскелерін тартып алады деген жалған ақпараттар таралып үрей туғызған. Сондықтан кейбір тұрғындар құтқарушылардың көмегінен бас тартуда.
«Милтон» бастапқыда 3-санаттағы дауыл болып, Флориданың Сарасота округіне жеткенде әлсіреп, 1-санаттағы дауылға айналды. Fitch Ratings агенттігі дауылдың мүлікке келтірген шығынын 30-50 миллиард доллар деп бағалады.
