مادەنيەت جانە اقپارات مينيسترلىگى، ۇلتتىق كينو ورتالىعىنىڭ قولداۋىمەن تۇسىرىلگەن فيلم ازەربايجاندا باس جۇلدەگە يە بولدى، دەپ حابارلايدى "ادىرنا" ۇلتتىق پورتالى جاس الاشقا سىلتەپ.
حالىقارالىق «Baku International Film Festival 2024» فەستيۆالىندە وتاندىق كينو باس جۇلدە الدى. فەستيۆالدە قازىلار القاسىنىڭ توراعاسى، «التىن گلوبۋس» سىيلىعىنىڭ يەگەرى سيدديك بايرام قازاقستاندىق "باۋىرىنا سالۋ" ءفيلمىن جوعارى باعالاعان.
«باۋىرىنا سالۋ» ءفيلمىن ورتالىق ازياداعى مازمۇندى ءفيلمنىڭ ءبىرى دەپ ايتا الامىن. مۇندا ۇلتتىق ءداستۇردىڭ كولەڭكەلى تۇسى، بالا جانىنىڭ نازىك پسيحولوگياسى اشىپ كورسەتىلگەن. قاراپايىم اۋىلدىڭ قوڭىر تىرلىگىن باياندايتىن فيلم الداعى ۋاقىتتا دا شىڭدى باعىندىرادى دەپ سەنەمىز!»، – دەدى اۋعان رەجيسسەرى سيدديك بايرام.
اتالعان ءفيلمدى رەجيسسەر اسحات كۋچينچەرەكوۆ تۇسىرگەن. فيلم «تۇلپار» ۇلتتىق سىيلىعىنىڭ ەڭ جوعارى ناگراداسىنا يە بولدى.
سونداي-اق، اتالمىش فيلم "وسكار" كوميتەتىنە ۇسىنىلعان.
