«قازمۇنايگازدىڭ» ەنشىلەسى كاسىپورنى – «KMG Drilling & Services» كومپانياسىنا تيەسىلى Satti بۇرعىلاۋ قوندىرعىسى تۇرىكمەنستاننىڭ شەلەكەن كەن ورنىندا بۇرعىلاۋ جۇمىسىن باستاماق، دەپ حابارلايدى "ادىرنا" ۇلتتىق پورتالى.
بۇل تۋرالى قمگ ءباسپاسوز قىزمەتى مالىمدەدى.
Satti قالقىمالى تەڭىز بۇرعىلاۋ قوندىرعىسى – قازاقستاندا جاسالعان. ول - كۇردەلى تەڭىز جاعدايلارىندا بۇرعىلاۋ جۇمىستارىن جۇرگىزۋگە ارنالعان قۇرىلعى.
2021 جىلى موديفيكاتسيادان وتكەننەن كەيىن، قۇرىلعىلاردىڭ جۇك كوتەرۋ قۋاتى 453 توننادان 680 تونناعا دەيىن ارتقان.
«شەتەلدەگى جوبالاردا «Satti» پلاتفورماسىنىڭ تابىستى پايدالانۋى قازاقستاننىڭ جوعارى ساپالى قىزمەت كورسەتىپ، الەمدىك دەڭگەيدە كۇردەلى مۇناي-گاز جۇمىستارىن ورىنداۋ قابىلەتىن راستاپ وتىر»، – دەلىنگەن كومپانيا حابارلاماسىندا.
بۇرعىلاۋ جۇمىسى باستالۋىنا بايلانىستى تۇركىمەنستاننىڭ اشحاباد قالاسىندا «KMG Drilling and Services» كومپانياسىنىڭ ءبولىمى اشىلعان. قازاقستان مەن تۇرىكمەنستان اراسىنداعى ەكىجاقتى ىنتىماقتاستىقتى نىعايتۋ ماقساتىندا تامىز ايىندا KMG DS جانە Dragon Oil Turkmenistan Limited كاسپي تەڭىزىنىڭ تۇرىكمەن سەكتورىندا بۇرعىلاۋ جۇمىستارىن جۇرگىزۋگە كەلىسىمشارت قابىلداعان.
