Atyraýda 5 qabattan qulaǵan 2 jasar bala jansaqtaý bóliminen palataǵa shyǵaryldy, dep habarlady “Adyrna” ulttyq portaly Nur.kz-ke silteme jasap.
Balanyń dárigeri, hırýrg Ádilbek Dúısenǵalınnyń aıtýynsha, balanyń beti beri qaraǵan, tynys ala alady.
«Bala aýrýhana túskende kóptegen dıagnozdar qoıyldy. Bassúıek jaraqatyn, eki ókpesiniń tusy zaqymdanǵan, sondaı-aq dene jaraqattaryn alǵan. Qazirgi kezde em-dom jasalyp jatyr. Ári qaraı emi palatada jalǵasady», - deıdi dáriger Ádilbek Dúısenǵalın.
Balanyń anasy aq halatty jandarǵa alǵysyn jetkizdi.
«Sol kúni balam ata-ájesimen bolǵan. Ashyq qalǵan terezeniń toryn basyp qalyp, qulap ketken. Biz joldasymyz ekeýimiz kez kelgen jaǵdaıǵa daıyn boldyq. Óıtkeni mundaıdan keıin jazylyp shyǵý ǵajaıyppen teń. Dárigerlerdiń biliktiliginiń arqasynda balamnyń jaǵdaıy jaqsara bastady. Olar balanyń jaǵdaıynyń bárin bizge jetkizip otyrdy. Aq halatty jandar balama ekinshi ómir syılady»,- deıdi balanyń anasy.
