قورعانىس مينيسترلىگى «زاپاستاعى وفيتسەرلەردى اسكەري قىزمەتكە شاقىرۋ تۋرالى» ۇكىمەت قاۋلىسىن دايىندادى، دەپ حابارلايدى «ادىرنا» ءتىلشىسى.
2025 جىلى زاپاستاعى 915 وفيتسەر اسكەري قىزمەتكە شاقىرىلادى. ولار 24 اي بويى قارۋلى كۇشتەردە، ۇلتتىق قاۋىپسىزدىك كوميتەتىنىڭ شەكارا قىزمەتىندە، ىشكى ىستەر مينيسترلىگىنىڭ ۇلتتىق ۇلانىندا جانە توتەنشە جاعدايلار مينيسترلىگىندە قىزمەت ەتەدى.
زاپاستاعى وفيتسەرلەردى شاقىرۋ اسكەري دايىندالعان رەزەرۆتى جيناقتاۋ جانە وفيتسەرلەر قۇرامىنىڭ بوس لاۋازىمدارىن تولىقتىرۋ ماقساتىندا ىسكە اسىرىلادى.
ۇكىمەت قاۋلىسى جوباسى 21 قازانعا دەيىن «اشىق نقا» سايتىندا قوعامدىق تالقىعا ۇسىنىلعان.
