9000 قازاقستاندىق "وتاۋ" مەن "ناۋرىز" باعدارلامالارىنىڭ قاتىسۋشىسى اتانعانى تۋرالى كوپتەن كۇتكەن اقجولتاي جاڭالىق ەستىدى.
ءوتىنىش بەرۋشىلەر مەن تۇرعىن ءۇي باعدارلاماسىنا قاتىسۋشىلاردىڭ تولىق ءتىزىمى وتباسى بانكىنىڭ ("بايتەرەك" حولدينگىنىڭ ەنشىلەس ۇيىمى) رەسمي سايتىندا جاريالانعان - https://hcsbk.kz/ru/to-get-a-loan/otau/ جانە https://hcsbk.kz/ru/to-get-a-loan/nauryz/.
بارلىعى 25 623 ءوتىنىم وڭدەلدى.
باعدارلاماعا قاتىسۋشىلاردىڭ باسىم بولىگى الماتى (2 699) جانە استانا (2 020) قالالارىنان. سونداي-اق كوشباسشىلار قاتارىندا شىمكەنت ق. (781), باتىس قازاقستان (462) جانە اقتوبە وبلىستارى (401) بار.
"وتاۋ" جانە "ناۋرىز" باعدارلامالارى بويىنشا تىزىمگە ەنگەن 9000 ادامنىڭ 1 818 – باسپانا كەزەگىندە تۇرعان حالىقتىڭ الەۋمەتتىك وسال توپتارىنىڭ وكىلدەرى.
"وتاۋ" جانە "ناۋرىز" باعدارلامالارىنا قاتىسۋشىلاردىڭ كوپشىلىگى – 35 جاسقا دەيىنگى قازاقستاندىقتار. بۇل 5 457 ادام. ەندى ولاردىڭ ارقايسىسى قولجەتىمدى شارتتار بويىنشا ءوز ۇيلەرىن ساتىپ الا الادى. جاس ازاماتتار ءۇشىن بۇل ۇلكەن كومەك. ويتكەنى، ءوز شاڭىراقتارىنىڭ بولۋى ولارعا ەرتەڭگى كۇنگە دەگەن سەنىمدىلىك، قارجىلىق تۇراقتىلىق پەن تاۋەلسىزدىك بەرەدى. باسپانالى بولعان جاس قازاقستاندىقتارعا بولاشاقتى جوسپارلاۋ، وتباسىن قۇرۋ جانە مانسابىن دامىتۋ وڭايىراق.
ەڭ جاس قاتىسۋشى – شىمكەنت قالاسىنىڭ تۇرعىنى ەرمەك جارقىنبەك. ول 25-قىركۇيەك 18 جاسقا تولعان كۇنى ءوتىنىش بەرىپ، قاتىسۋشىلار تىزىمە وتكەن.
"وتاۋ" جانە "ناۋرىز" باعدارلامالارىنىڭ شارتتارى بويىنشا جەڭىلدەتىلگەن زاەمداردى 63 جاستان اسپايتىن قازاقستاندىقتار الا الادى. قاراعاندىلىق زاۋرە ورازبەكوۆانىڭ ايى وڭىنان تۋىپ، ول 64 جاسقا تولۋىنا ءبىر اي عانا ۋاقىت قالعاندا ءوتىنىم بەرىپ، قاتىسۋشىلاردىڭ قوسىمشا تىزىمىنە ءساتتى ەنىپ ۇلگەرگەن.
قوسىمشا تىزىمگە قاتىسۋشىلاردىڭ 48,8% - تۇرعىن ءۇي ساتىپ الۋ ءۇشىن رەسپۋبليكالىق ماڭىزى بار قالالاردى، 31,6% - وبلىستىق ماڭىزى بار قالالاردى، 17,5% - اۋدانداردى جانە 2,1% - مونوقالالاردى تاڭداعان.
3 - 18 قازان ارالىعىندا (قوسا العاندا) باعدارلامالارعا قاتىسۋشىلار نەسيەلىك ءوتىنىم بەرىپ ۇلگەرۋلەرى قاجەت. ونى وتباسى بانك بولىمشەلەرىندە، ونلاين بانكتىڭ رەسمي سايتى (https://hcsbk.kz) نەمەسە باسپانا ماركەت پورتالىندا (https://otbasybank.kz/) بەينە-قوڭىراۋ شالۋ ارقىلى، سونداي-اق 7 قازاننان باستاپ كەڭەسشىلەردىڭ كومەگىمەن جاساۋعا بولادى.
ەگەر قوسىمشا تىزىمگە قاتىسۋشى زاەم بويىنشا ماقۇلداۋ السا، وندا وعان تەزدەتىپ، 29-قاراشاعا دەيىن (قوسا العاندا) باسپانا تاۋىپ، ونى ساتىپ الۋ كەرەكتىگىنە نازار اۋدارامىز.
ۇپايلار قالاي ەسەپتەلەدى؟
- سالىم بويىنشا سىياقى مولشەرى - ءاربىر 1 000 تەڭگە ءۇشىن 1 ۇپاي;
- تىركەلگەن نەكەنىڭ بولۋى - 5 ۇپاي;
- بالالاردىڭ بولۋى - 10 ۇپاي (بالالار سانىنا قاراماستان);
- حالىقتىڭ الەۋمەتتىك وسال توپتارى ء(حاوت) مارتەبەسىنىڭ بولۋى - 10 ۇپاي;
- 35 جاسقا دەيىنگى جاس (قوسا العاندا) – 5 ۇپاي.
"وتاۋ" جانە "ناۋرىز" باعدارلامالارىنىڭ شارتتارى:
- العاشقى جارنا - 20%-دان باستاپ;
- تۇرعىن ءۇي كەزەگىندە تۇرعان ازاماتتاردىڭ الەۋمەتتىك وسال ساناتتارى ءۇشىن كرەديت بويىنشا مولشەرلەمە - 7% (جتسم 7,3%-دان 8,9% دەيىن);
- ازاماتتاردىڭ بارلىق ساناتتارى ءۇشىن كرەديت بويىنشا مولشەرلەمە - 9% (جتسم 9,3%-دان 11,8% دەيىن);
- نەسيە مەرزىمى - 19 جىلعا دەيىن.
باعدارلامالار اياسىندا تۇرعىن ءۇي ساتىپ الۋ بويىنشا كەلەسى شارتتار ۇسىنىلادى:
- العاشقى نارىقتاعى تۇرعىن ءۇي، ونىڭ ىشىندە قتك كەپىلدىگىمەن ۇلەستىك قاتىسۋ شارتى جانە ساقتاندىرۋ قۇرالى بويىنشا;
- مونوقالالار مەن اۋىلدىق ەلدىمەكەندەردە ەكىنشى نارىقتاعى تۇرعىن ءۇي.
زاەمنىڭ ەڭ جوعارعى مولشەرى:
- الماتى مەن استانا قالالارى ءۇشىن - 36 ملن تەڭگەگە دەيىن.
- قالعان وڭىرلەر ءۇشىن – 30 ملن تەڭگەگە دەيىن.
باعدارلاماعا قاتىسۋشى باستاپقى تۇرعىن ءۇيدى باسپانا ماركەت پورتالىنان (otbasybank.kz) تاڭداپ، برونداي الادى.
قازىرگى ۋاقىتتا بانك باسپانا ماركەت پورتالىندا (otbasybank.kz) "وتاۋ" باعدارلاماسىنا قاتىسۋشىلار ءۇشىن دە، "ناۋرىز" باعدارلاماسىنا قاتىسۋشىلار ءۇشىن دە تۇرعىن ءۇي نىساندارىن بەلسەندى ورنالاستىرۋدا. قازىر تاڭداۋعا 14 613 پاتەردەن تۇراتىن 647 تۇرعىن ءۇي كەشەنى ۇسىنىلعان. بۇل ءتىزىم كۇن سايىن تولىقتىرىلىپ وتىر.
