قازاقستان سىرتقى ىستەر مينيسترلىگى يران مەن يزرايل اراسىنداعى جاعدايدى باقىلاپ وتىر، دەپ حابارلايدى “ادىرنا” ۇلتتىق پورتالى قازتاگ-قا سىلتەمە جاساپ.
«قازاقستان سىرتقى ىستەر مينيسترلىگى جاعدايدى قاداعالاپ وتىر، بىراق قازاقستاننىڭ يزرايلدەگى جانە ليۆانداعى ەلشىلىكتەرى ءبىزدىڭ ازاماتتارعا جاعدايدىڭ ناشارلاۋىنا بايلانىستى وسى ەلدەردەن كەتۋ قاجەتتىلىگى تۋرالى بىرنەشە رەت ەسكەرتكەنىن اتاپ وتكەن ءجون»، - دەپ حابارلايدى دەرەككوز.
بۇل تۋرالى بۇگىن قازتاگ اگەنتتىگىنە جاعدايمەن تانىس دەرەككوز حابارلاعان.
Jerusalem Post گازەتى يراننان يزرايلگە 400-گە جۋىق زىمىران ۇشىرىلعانىن حابارلادى. زارداپ شەككەندەر تۋرالى مالىمەت جوق، بىراق تەل-اۆيۆتەگى عيماراتتارعا زىمىران اتقىلانعانى ايتىلادى.
ال "ادىرنانىڭ" يرانداعى دەرەككوزىنىڭ مالىمدەۋىنشە، جاعداي كۇردەلى ەكەنى بايقالادى. ادامدار شوشىپ قالعانعا ۇقسايدى. ولار جاعدايدىڭ تۇراقتالعانىن كۇتۋدە.
بەيبىت تۇرعىندارعا وق اتقان لاڭكەستەردىڭ وققا ۇشقانى تۋرالى دا جەرگىلىكتى اقپارات قۇرالدارى جازىپ جاتىر.
ءيزرايلدىڭ بارلىق تەرريتورياسىندا اۋە دابىلىنىڭ سيگنالدارى ەستىلىپ جاتىر.
يزرايل ارمياسى ەل ازاماتتارىن قورعاۋ ءۇشىن قاجەتتى شارالاردى قابىلدايتىنىن مالىمدەپ، نۇسقاۋلاردى ساقتاۋدى سۇرادى.
ايتا كەتەيىك، يران العاش رەت تىكەلەي 2024 جىلى ءساۋىر ايىندا ءوزىنىڭ تەرريتورياسىنان يزرايلگە شابۋىل جاسادى. سول كەزەڭدە يزرايلگە 300-دەن استام درون مەن زىمىران جىبەردى، ولاردىڭ 99%-ى اتىپ الىندى. ساۋىردەگى شابۋىلعا «حەزبوللا» قوزعالىسى دا قاتىستى، ول گولان تاۋلى ايماقتارىنا سوققى جاسادى.
شابۋىلدىڭ سەبەپتەرى 1 ساۋىردە داماسك قالاسىنداعى يران كونسۋلدىعىنا جاسالعان شابۋىل دەلىنەدى. وسىنىڭ سالدارىنان يسلام رەۆوليۋتسياسىنىڭ ساقشىلار كورپۋسى (كسير) قۇرامىندا جەتى ادام، ونىڭ ىشىندە «قۇدس» ارنايى بولىمشەسىنىڭ كومانديرى گەنەرال موحامماد رەزا زاحەدي مەن گەنەرال موحامماد حادي حادجي راحيمي قازا تاپتى.
