Abaı oblysynyń Jarma aýdandyq soty burynǵy áıelin urlap ketti dep aıyptalǵan er adamǵa qatysty qylmystyq isti qarady, - dep habarlaıdy “Adyrna” ulttyq portaly.
Sot otyrysy barysynda sottalýshynyń burynǵy áıeliniń úıine barǵany jáne sonda ekeýara janjal týǵany anyqtaldy. Er adam burynǵy áıeliniń betinen judyryqpen uryp, uıaly telefonyn syndyrǵan, sodan keıin áıeldi sonyń kóliginiń júksalǵyshyna ıterip salyp, urlap ketken.
Prokýror sottan jábirlenýshiniń ómiri men densaýlyǵyna qaýipti kúsh qoldanbaǵandyqtan, sottalýshyǵa Qylmystyq kodekstiń 125-babynyń 1-bóligi «Adam urlaý» boıynsha jaza taǵaıyndaýdy surady.
Jábirlenýshi sottalýshyny keshiretinin aıtyp, qatań jaza qoldanbaýyn surady.
Sottalýshynyń ózi istegen isine ókinip, bolǵan oqıǵaǵa qaımyǵatynyn aıtyp, sottan bas bostandyǵynan aıyrýdan basqa jaza taǵaıyndaýdy surady.
Sot is materıaldaryn zerdeleı kele, er adamdy kináli dep tanyp, 4 jylǵa bas bostandyǵynan aıyrý jazasyn qatań tártiptegi qylmystyq-atqarý júıesinde óteýge úkim etti.
Úkim zańdy kúshine engen joq.
