Astanadaǵy «Plov entr» dámhanasynda gaz ballony jarylǵannan keıin zardap shekkenderdiń jaǵdaıy týraly baıandaldy, dep habarlaıdy “Adyrna” ulttyq portaly densaýlyq saqtaý basqarmasynyń baspasóz qyzmetine siltep.
«Aqyrtas kóshesindegi gaz ballonynyń jarylýy saldarynan kafeniń 6 qyzmetkeri (erler) zardap shekti. Olardy jedel járdem brıgadasy №1 kópsalaly qalalyq aýrýhanaǵa jetkizip, arnaıy mamandar tekserdi», - dep jaýap berdi elordalyq densaýlyq saqtaý basqarmasy.
Tórteýi N1 kópsalaly qalalyq aýrýhananyń polıtravmatologııa, endoprotezdeý jáne kombýstıologııa ortalyǵyna jatqyzyldy. Eki zardap shegýshi 3 jáne 5 paıyzdyq termııalyq kúıikpen aýrýhanaǵa jatqyzyldy. Olarǵa usynystar berilip, ambýlatorlyq emdeýge jiberildi.
Esterińizge sala keteıik, órt shyqqan dámhanadan qutqarýshylar tórt gaz ballonyn shyǵarǵan bolatyn. Qazirgi ýaqytta úıindilermen jumys júrip jatyr.
