قازىر اقمولا وبلىسىندا ەگىن جيناۋ ناۋقانى قارقىندى ءجۇرىپ جاتىر. فەرمەرلەر العاشقى ميلليون توننا استىقتى باستىرىپ ۇلگەردى. تۇراقتى قۇرعاق اۋا-رايى ەگىندى جاڭا كۇشپەن جيناۋعا مۇمكىندىك بەرەدى.
4500 گەكتارعا جۋىق ەگىستىك جەرلەردىڭ جالپى الاڭىندا پراكتيكالىق دايىندىق بارىسىندا «اۋىل شارۋاشىلىعىن مەحانيكالاندىرۋ» ماماندىعى بويىنشا 11 اقمولا كوللەدجىنىڭ ستۋدەنتتەرى ءداستۇرلى تۇردە ەگىن جيناۋ ناۋقانىندا كاسىبي داعدىلاردى يگەرەدى.
«ءبىز 1500 گا جۋىق جەرمەن جۇمىس ىستەيمىز، ونىڭ 900 گا-عا جۋىعى ەگىستىك. ءداندى داقىلداردان بيداي مەن ارپا ەگىلدى. وسى كۇزدە وندىرىستىك پراكتيكا اياسىندا استراحان اۋدانىنىڭ اۋىلشارۋاشىلىق كاسىپورىندار بازاسىندا 66 ستۋدەنت جۇمىلدىرىلدى»، - دەپ اتاپ ءوتتى استراحانكا ا. اگروبيزنەس جانە سەرۆيس كوللەدجىنىڭ ديرەكتورى ۆالەنتينا پۋتينتسەۆا.
بولاشاق مەحانيزاتورلار ءبىزدىڭ جانە كورشىلەس وبلىستاردىڭ شارۋاشىلىعىندا جۇمىس ىستەيدى، ولارمەن كەلىسىمشارتتار جاسالىپ، جۇمىس ءۇشىن اقى تولەنەدى.
«ءبىز 2024 جىلعى ەگىن جيناۋ ناۋقانىنا قاتىسىپ جاتىرمىز. وقۋ پروتسەسىندە العان كاسىبي داعدىلار بىزگە كوللەدجدى بىتىرگەننەن كەيىن جۇمىسقا ورنالاسۋعا سەنىمدىلىك بەرەدى. بىزگە ەرتەڭگى كۇنگە دەگەن سەنىمدىلىك پەن ءبىلىم بەرەتىن ۇستازدار مەن شەبەرلەرگە العىسىمىزدى بىلدىرەمىز»، - دەيدى استراحانكا ا. اگروبيزنەس جانە سەرۆيس كوللەدجىنىڭ 2 كۋرس ستۋدەنتتەرى يليا باحارەۆ پەن جەڭىس داستانوۆ.
«وندىرىستىك پراكتيكا كەزىندە مەن اۋىل شارۋاشىلىعى تەحنيكاسىنىڭ ءارتۇرلى تۇرلەرىن يگەرۋمەن اينالىسامىن، وعان تەحنيكالىق قىزمەت كورسەتۋگە جانە جوندەۋگە قاتىسامىن، سونداي - اق العان ءبىلىمىمدى اۋىل شارۋاشىلىعى جۇمىستارىنىڭ تيىمدىلىگىن ارتتىرۋ ءۇشىن پراكتيكادا قولدانامىن»، - دەيدى كامەنكا اۋىل شارۋاشىلىعى كوللەدجىنىڭ ەكىنشى كۋرس ستۋدەنتى يۆان تسيمبالسكي.
بارلىعى ەگىن القابىندا 500-دەن استام ستۋدەنت جۇمىس ىستەپ ءجۇر. بۇل ستۋدەنتتەردى وقىتۋدىڭ وتە ماڭىزدى كەزەڭى، ولار ءىس جۇزىندە تەحنيكامەن ءتيىمدى جۇمىس ىستەپ اقاۋلاردى تەز جويۋدى، داقىلداردى ءوسىرۋ تەحنولوگيالارىن زەرتتەۋدى ۇيرەنەدى.
