Qazir Aqmola oblysynda egin jınaý naýqany qarqyndy júrip jatyr. Fermerler alǵashqy mıllıon tonna astyqty bastyryp úlgerdi. Turaqty qurǵaq aýa-raıy egindi jańa kúshpen jınaýǵa múmkindik beredi.
4500 gektarǵa jýyq egistik jerlerdiń jalpy alańynda praktıkalyq daıyndyq barysynda «Aýyl sharýashylyǵyn mehanıkalandyrý» mamandyǵy boıynsha 11 Aqmola kolledjiniń stýdentteri dástúrli túrde egin jınaý naýqanynda kásibı daǵdylardy ıgeredi.
«Biz 1500 ga jýyq jermen jumys isteımiz, onyń 900 ga-ǵa jýyǵy egistik. Dándi daqyldardan bıdaı men arpa egildi. Osy kúzde óndiristik praktıka aıasynda Astrahan aýdanynyń aýylsharýashylyq kásiporyndar bazasynda 66 stýdent jumyldyryldy», - dep atap ótti Astrahanka a. agrobıznes jáne servıs kolledjiniń dırektory Valentına Pýtıneva.
Bolashaq mehanızatorlar bizdiń jáne kórshiles oblystardyń sharýashylyǵynda jumys isteıdi, olarmen kelisimsharttar jasalyp, jumys úshin aqy tólenedi.
«Biz 2024 jylǵy egin jınaý naýqanyna qatysyp jatyrmyz. Oqý proesinde alǵan kásibı daǵdylar bizge kolledjdi bitirgennen keıin jumysqa ornalasýǵa senimdilik beredi. Bizge erteńgi kúnge degen senimdilik pen bilim beretin ustazdar men sheberlerge alǵysymyzdy bildiremiz», - deıdi Astrahanka a. agrobıznes jáne servıs kolledjiniń 2 kýrs stýdentteri Ilıa Baharev pen Jeńis Dastanov.
«Óndiristik praktıka kezinde men aýyl sharýashylyǵy tehnıkasynyń ártúrli túrlerin ıgerýmen aınalysamyn, oǵan tehnıkalyq qyzmet kórsetýge jáne jóndeýge qatysamyn, sondaı - aq alǵan bilimimdi aýyl sharýashylyǵy jumystarynyń tıimdiligin arttyrý úshin praktıkada qoldanamyn», - deıdi Kamenka aýyl sharýashylyǵy kolledjiniń ekinshi kýrs stýdenti Ivan ımbalskıı.
Barlyǵy egin alqabynda 500-den astam stýdent jumys istep júr. Bul stýdentterdi oqytýdyń óte mańyzdy kezeńi, olar is júzinde tehnıkamen tıimdi jumys istep aqaýlardy tez joıýdy, daqyldardy ósirý tehnologııalaryn zertteýdi úırenedi.
