استانادا 27 قىركۇيەك كۇنى قازاقستان ۇلتتىق وليمپيادالىق كوميتەتى باس اسسامبلەياسىنىڭ كەزەكتەن تىس جيىنى ءوتتى. جيىندا ۇلتتىق وليمپيادالىق كوميتەتتىڭ جاڭا باس حاتشىسى سايلاندى، دەپ حابارلايدى “ادىرنا” ۇلتتىق پورتالى.
قازاقستان ۇوك باسقارۋشى ورگانىنىڭ وتىرىسىنا قازاقستان ۇوك پرەزيدەنتى گەننادي گولوۆكين، قر سپورت جانە تۋريزم ۆيتسە-ءمينيسترى سەرىك جاراسباەۆ، سونداي-اق، وليمپيادالىق سپورت تۇرلەرى بويىنشا 31 ۇلتتىق سپورتتىق فەدەراتسيالاردىڭ وكىلدەرى قاتىستى.
گەننادي گولوۆكين سپورتشىلاردىڭ پاريج وليمپياداسىنداعى جەتىستىكتەرىنە توقتالىپ، جارىس تسيكلىنىڭ ءالى دە جالعاسىپ جاتقانىن اتاپ ءوتتى. سونداي-اق، 2028 جىلى لوس-اندجەلەستە وتەتىن كەلەسى جازعى ويىندارعا دايىندىقتى قازىردەن باستاۋ كەرەكتىگىنە نازار اۋداردى.
باس اسسامبلەيانىڭ كۇن تارتىبىندە قارالعان سۇراقتاردىڭ ءبىرى – جاڭا باس حاتشىنى سايلاۋ. گەننادي گولوۆكين ءالىمجان اقاەۆتىڭ كانديداتۋراسىن ۇسىنىپ، ۇسىنىستى قاتىسۋشىلار ءبىراۋىزدان بەكىتتى.
«باس اسسامبلەيا مۇشەلەرىنە ماعان سەنىم ارتىپ، مەن ۇسىنعان كانديداتتى قولداعانى ءۇشىن العىس ايتامىن. ءالىمجان اقاەۆتى جاڭا قىزمەتكە سايلانۋىمەن قۇتتىقتايمىن. ونىڭ جىلدار بويى جيناعان تاجىريبەسى مەن ءبىلىمى العا قويىلعان ماقساتتارعا جەتۋگە كومەكتەسەرىنە سەنەمىن»، - دەدى گەننادي گولوۆكين.
ايتا كەتەيىك، ءالىمجان اقاەۆتىڭ مەملەكەتتىك باسقارۋ ماگيسترى دارەجەسى (درەيك ۋنيۆەرسيتەتى، دەس موينەس، ايوۆا شتاتى، اقش), ىسكەرلىك باسقارۋ ماگيسترى دارەجەسى (سولتۇستىك ايوۆا ماگيسترى، سەدار-فوللس، ايوۆا شتاتى، اقش), سىرتقى ساياسات سالاسىنداعى مەملەكەتتىك باسقارۋ ديپلومى (رەسەي ءسىم ديپلوماتيالىق اكادەمياسى، ماسكەۋ، رف) بار.
ءالىمجان اقاەۆ جەتى جىل كولەمىندە قازاقستان ۇلتتىق وليمپيادالىق كوميتەتىنىڭ حالىقارالىق قاتىناستار دەپارتامەنتىن باسقارىپ، حالىقارالىق فورۋمدار مەن كونفەرەنتسيالاردا قازاقستان ۇلتتىق ۇوك مۇددەسىن قورعادى جانە قازاقستاننىڭ الەمدىك سپورت ارەناسىنداعى بايلانىسى مەن بەدەلىن نىعايتۋ جولىندا قىزمەت ەتتى.
