پرەزيدەنت قاسىم-جومارت توقاەۆ ۇقشۇ كەڭەسىنىڭ وتىرىسىنا قاتىستى، دەپ حابارلايدى "ادىرنا" ۇلتتىق پورتالى.
جيىنعا قازاقستان، بەلارۋس، قىرعىزستان، رەسەي جانە تاجىكستان باسشىلارى، سونداي-اق رەسمي دەلەگاتسيا مۇشەلەرى قاتىستى.
جيىندا مەملەكەتتەر ءوزارا قاۋىپسىزدىكتى قامتاماسىز ەتۋ ماسەلەلەرىن تالقىلاپ، 2025 جىلعا ارنالعان نەگىزگى باعىتتار بويىنشا جۇمىس قورىتىندىلارىن شىعارىپ، الداعى كەزەڭگە ارنالعان باسىمدىقتاردى بەلگىلەدى.
يمانعالي تاسماعامبەتوۆكە ۇقشۇ باس حاتشىسى قىزمەتىنەن شىعۋىنا بايلانىستى العىستار ءبىلدىرىلدى. جيىندا جاڭا حاتشى تاعايىنداۋ شەشىمى قابىلدانىپ، 2026 جىلعى 1 قاڭتاردان باستاپ ءۇش جىل مەرزىمگە قىرعىزستان وكىلى تاالاتبەك ماسادىقوۆ جاڭا گەنەرالدىق حاتشى بولىپ تاعايىندالدى.
تاالاتبەك ماسادىقوۆ 1961 جىلى دۇنيەگە كەلگەن، قىرعىزستان ازاماتى. ول - ديپلومات، حالىقارالىق قاتىناستار سالاسىنىڭ ساراپشىسى. بىرنەشە جىل بۇۇ جۇيەسىندە جۇمىس ىستەپ، ساياسي جانە ايماقتىق قاۋىپسىزدىك سالاسىندا تاجىريبە جيناقتاعان.
جيىن قورىتىندىسى بويىنشا كەڭەس دەكلاراتسياسى قابىلدانىپ، بارلىق مۇشە مەملەكەتتەردىڭ مۇددەسىندە ۇجىمدىق قاۋىپسىزدىك جۇيەسىن جەتىلدىرۋگە باعىتتالعان بىرقاتار قۇجاتتارعا قول قويىلدى.
قىرعىزستاندا 20 جاسقا تولماعان قىزدارعا كۇيەۋسىز نەمەسە اتا-اناسىز ەلدەن شىعۋعا تىيىم سالۋ ۇسىنىلادى
