Astanada 27 qyrkúıek kúni Qazaqstan Ulttyq Olımpıadalyq komıteti Bas Assambleıasynyń kezekten tys jıyny ótti. Jıynda Ulttyq Olımpıadalyq komıtettiń jańa bas hatshysy saılandy, dep habarlaıdy “Adyrna” ulttyq portaly.
Qazaqstan UOK basqarýshy organynyń otyrysyna Qazaqstan UOK prezıdenti Gennadıı Golovkın, QR sport jáne týrızm vıe-mınıstri Serik Jarasbaev, sondaı-aq, olımpıadalyq sport túrleri boıynsha 31 Ulttyq sporttyq federaııalardyń ókilderi qatysty.
Gennadıı Golovkın sportshylardyń Parıj Olımpıadasyndaǵy jetistikterine toqtalyp, jarys ıkliniń áli de jalǵasyp jatqanyn atap ótti. Sondaı-aq, 2028 jyly Los-Andjeleste ótetin kelesi jazǵy oıyndarǵa daıyndyqty qazirden bastaý kerektigine nazar aýdardy.
Bas Assambleıanyń kún tártibinde qaralǵan suraqtardyń biri – jańa bas hatshyny saılaý. Gennadıı Golovkın Álimjan Aqaevtyń kandıdatýrasyn usynyp, usynysty qatysýshylar biraýyzdan bekitti.
«Bas Assambleıa múshelerine maǵan senim artyp, men usynǵan kandıdatty qoldaǵany úshin alǵys aıtamyn. Álimjan Aqaevty jańa qyzmetke saılanýymen quttyqtaımyn. Onyń jyldar boıy jınaǵan tájirıbesi men bilimi alǵa qoıylǵan maqsattarǵa jetýge kómekteserine senemin», - dedi Gennadıı Golovkın.
Aıta keteıik, Álimjan Aqaevtyń memlekettik basqarý magıstri dárejesi (Dreık Ýnıversıteti, Des Moınes, Aıova shtaty, AQSh), Iskerlik basqarý magıstri dárejesi (Soltústik Aıova magıstri, Sedar-Folls, Aıova shtaty, AQSh), Syrtqy saıasat salasyndaǵy Memlekettik basqarý dıplomy (Reseı SIM Dıplomatııalyq Akademııasy, Máskeý, RF) bar.
Álimjan Aqaev jeti jyl kóleminde Qazaqstan Ulttyq Olımpıadalyq komıtetiniń halyqaralyq qatynastar Departamentin basqaryp, halyqaralyq forýmdar men konferenııalarda Qazaqstan Ulttyq UOK múddesin qorǵady jáne Qazaqstannyń álemdik sport arenasyndaǵy baılanysy men bedelin nyǵaıtý jolynda qyzmet etti.
