Astanada 27 qyrküiek künı Qazaqstan Ūlttyq Olimpiadalyq komitetı Bas Assambleiasynyŋ kezekten tys jiyny öttı. Jiynda Ūlttyq Olimpiadalyq komitettıŋ jaŋa bas hatşysy sailandy, dep habarlaidy “Adyrna” ūlttyq portaly.
Qazaqstan ŪOK basqaruşy organynyŋ otyrysyna Qazaqstan ŪOK prezidentı Gennadii Golovkin, QR sport jäne turizm vise-ministrı Serık Jarasbaev, sondai-aq, olimpiadalyq sport türlerı boiynşa 31 Ūlttyq sporttyq federasiialardyŋ ökılderı qatysty.
Gennadii Golovkin sportşylardyŋ Parij Olimpiadasyndaǧy jetıstıkterıne toqtalyp, jarys siklınıŋ älı de jalǧasyp jatqanyn atap öttı. Sondai-aq, 2028 jyly Los-Andjeleste ötetın kelesı jazǧy oiyndarǧa daiyndyqty qazırden bastau kerektıgıne nazar audardy.
Bas Assambleianyŋ kün tärtıbınde qaralǧan sūraqtardyŋ bırı – jaŋa bas hatşyny sailau. Gennadii Golovkin Älımjan Aqaevtyŋ kandidaturasyn ūsynyp, ūsynysty qatysuşylar bırauyzdan bekıttı.
«Bas Assambleia müşelerıne maǧan senım artyp, men ūsynǧan kandidatty qoldaǧany üşın alǧys aitamyn. Älımjan Aqaevty jaŋa qyzmetke sailanuymen qūttyqtaimyn. Onyŋ jyldar boiy jinaǧan täjıribesı men bılımı alǧa qoiylǧan maqsattarǧa jetuge kömekteserıne senemın», - dedı Gennadii Golovkin.
Aita keteiık, Älımjan Aqaevtyŋ memlekettık basqaru magistrı därejesı (Dreik Universitetı, Des Moines, Aiova ştaty, AQŞ), Iskerlık basqaru magistrı därejesı (Soltüstık Aiova magistrı, Sedar-Folls, Aiova ştaty, AQŞ), Syrtqy saiasat salasyndaǧy Memlekettık basqaru diplomy (Resei SIM Diplomatiialyq Akademiiasy, Mäskeu, RF) bar.
Älımjan Aqaev jetı jyl kölemınde Qazaqstan Ūlttyq Olimpiadalyq komitetınıŋ halyqaralyq qatynastar Departamentın basqaryp, halyqaralyq forumdar men konferensiialarda Qazaqstan Ūlttyq ŪOK müddesın qorǧady jäne Qazaqstannyŋ älemdık sport arenasyndaǧy bailanysy men bedelın nyǧaitu jolynda qyzmet ettı.
