تامىزدىڭ 23-25 كۇندەرى جامبىل وبلىسى مەركى اۋدانىنىڭ «Tۇران» دەمالىس ورتالىعىندا «جاستار شاقىرادى» اتتى وبلىستىق كوشباسشىلار فورۋمى ءوتتى، دەپ حابارلايدى adyrna.kz ۇلتتىق پورتالى جامبىل وبلىسى اكىمى اپپاراتى «قوعامدىق كەلىسىم» كمم ءباسپاسوز ورتالىعىنا سىلتەمە جاساپ.
جامبىل وبلىسى اكىمىنىڭ اپپاراتى «قوعامدىق كەلىسىم» كوممۋنالدىق مەملەكەتتىك مەكەمەسى مەن جامبىل وبلىسى قحا-نىڭ ۇيىتقى بولۋىمەن وتكەن ءىس-شاراعا ەتنومادەني بىرلەستىگىنىڭ جاستارى قاتىستى. ناقتىراق ايتساق، «جاڭعىرۋ جولى» جاستار قوزعالىسى مەن «اق جەلكەن» جاستار ليگاسىنىڭ مۇشەلەرى بەلسەندىلىك تانىتىپ، ءوز ويلارىن ورتاعا سالدى.
جامبىل وبلىسى اكىمى اپپاراتى «قوعامدىق كەلىسىم» كمم باسشىسى رانو ۋبايدۋللاەۆانىڭ ايتۋىنشا، جاستار ەلىمىزدىڭ بولاشاعى. سوندىقتان دا ول اعا بۋىن تاراپىنان جاستارعا زور قولداۋ جاسالۋى كەرەك ەكەنىن ەسكەرتتى.
– بيىلعى جىلدى ەلباسى نۇرسۇلتان نازارباەۆ جاستار جىلى دەپ جاريالاعانى كوپشىلىككە بەلگىلى. وسى جاستار جىلى اياسىندا ەلىمىزدىڭ ءار ايماعىندا اۋقىمدى جۇمىستار اتقارىلىپ جاتىر. قاي ەلدىڭ بولماسىن الەۋمەتتىك-ەكونوميكالىق تۇرعىدان تۇراقتى بولۋى ءبىلىمدى، اقىل-ويى تەرەڭ جاستاردىڭ قولىندا. سوندىقتان جاستار قوعامنىڭ جەتەكشى كۇشى سانالادى. بەيبىتشىلىك پەن دامۋدى كوزدەپ وتىرعان ۇلكەن فورۋمنىڭ ماقساتى – جاستاردى ۇلتتىق سالت-ءداستۇردى ساقتاۋعا، بىتىمگەرشىلىك پەن بەيبىتشىلىك قۇندىلىقتارىنا بەرىك بولۋعا شاقىرادى. سونىمەن بىرگە، وڭىرلەردەگى دارىندى جاستاردىڭ شىعارماشىلىعىن انىقتاپ، قولداۋ كورسەتۋ جانە كوتەرمەلەۋ وتە ماڭىزدى قادام. جاستارعا ۇلتتىق مۇرانى ناسيحاتتاپ، ولاردىڭ مادەني-رۋحاني تۇرعىدا تاربيەلەۋ وتە ماڭىزدى. ەڭ باستىسى مەملەكەتتىك ءتىلدى وقىتىپ، قوعامدىق كەلىسىمدى قالىپتاستىرساق، حالىقتىڭ بىرلىگىن نىعايا تۇسەدى، – دەيدى ول.
ەكى كۇن بويى تالاپتى دا تالانتتى جامبىل جاستارى ءبىر-بىرىمەن ءتۇرلى قىزىقتى موتيۆاتسيالىق تاجىريبەلەرىمەن ءبولىستى. ءبىرى ويىندار ارقىلى قىزىقتى ورتا قالىپتاستىرسا، ەكىنشىسى سپورت ويىندارىمەن كوپشىلىكتى ءتانتى ەتتى. سونداي-اق، ونەرپاز جاستار كورەرمەندەرگە اسەرلى اندەرى مەن بيلەرى ارقىلى جاقسى كوڭىل-كۇي سىيلاپ، حالىقتىڭ قوشەمەتىنە يە بولدى.
ال، سۋدا ءجۇزۋ سپورتتىق ويىنى بويىنشا - «لوۆي ۆولنۋ-2019» جارىسى، ءان ايتۋ ونەرىنەن – كاراوكە سايىسى، بي سايىسىنان – ديسكوبيلەر ۇيىمداستىرىلدى. بۇدان بولەك، «سويلەۋ شەبەرلىگى، شەشەندىك ونەر»، «ءوزىڭدى-ءوزىڭ «قامشىلا»!» تاقىرىپتارىندا سەمينار-ترەنينگتەر جانە «قازاقتانۋ» باعدارلاماسى اياسىندا ۇلتتىق تاعامداردى دايىنداۋ بويىنشا شەبەرلىك سىنىپتارى ءوتتى.
«ادىرنا»
ۇلتتىق پورتالى
