جامبىل وبلىسىندا ازاماتتىق كيىم كيگەن ەر ادام پوليتسيا قىزمەتكەرلەرىنە جاتتىعۋ جاساتقان ءساتى بەينەگە ءتۇسىپ قالدى، دەپ حابارلايدى "ادىرنا" ۇلتتىق پورتالى.
ەر ادامنىڭ ءتارتىپ ساقشىلارىنا "وتجيمانيە" جاساتىپ جاتقان ۆيدەوسى جەلىدە تارادى.
بەيرەسمي دەرەكتەردە ۆيدەوداعى اق جەيدە كيگەن ەر ادامنىڭ جامبىل وبلىستىق پوليتسيا دەپارتامەنتى باسشىسىنىڭ ورىنباسارلارىنىڭ ءبىرى ەكەنى ايتىلعان.
ال ىشكى ىستەر مينيسترلىگى ۆيدەوعا قاتىستى قىزمەتتىك تەكسەرىس باستالعانىن مالىمدەدى.
"قىزمەتتىك تەكسەرۋ جۇرگىزىلۋدە، تەكسەرىس قورىتىندىسى بويىنشا قۇقىقتىق باعا بەرىلەدى", – دەلىنگەن مينيسترلىك حابارلاماسىندا.
وزگە دەرەكتەر تارامادى. ال جەلى قولدانۋشىلارى ء"بىر دوكەي بولار", "دۇرىس جاساسىن" دەپ پىكىر قالدىرعان.
