اتىراۋدا كامەلەت جاسقا تولماعان قىز ءوزىنىڭ كۇشتەپ كۇيەۋگە شىققانىن ايتتى، - دەپ حابارلايدى “ادىرنا” ۇلتتىق پورتالى.
جەلىدە جاس قىزدىڭ ايتقان حابارلاماسى تاراپ كەتتى. ايتۋىنشا، ونى 20 جاستاعى جىگىت زورلاپ، سودان كەيىن جابىرلەنۋشىنىڭ اتا-اناسى ونى وعان كۇشتەپ ۇيلەندىرگەن. سونداي-اق، 15 جاستاعى قىزدىڭ قازىر ءتورت ايلىق سابيگە جۇكتى ەكەنى اتاپ ءوتىلدى. ايتۋىنشا، كۇيەۋى مەن ونىڭ تۋىستارى ونى بىرنەشە رەت ۇرىپ-سوققان.
اتىراۋ وبلىستىق پوليتسيا دەپارتامەنتى تاراتقان اقپارات بويىنشا قازىر تەرگەۋ ءجۇرىپ جاتقانىن حابارلادى.
«وسى فاكتى بويىنشا قىلمىستىق ءىس قوزعالدى، تەرگەۋدىڭ باستاپقى كەزەڭىندە جابىرلەنۋشى تاراپ قاجەتتى سوت-مەديتسينالىق جانە پسيحياتريالىق ساراپتامادان وتۋدەن باس تارتتى، بۇل قىلمىستى تولىق تەرگەپ-تەكسەرۋ ماقساتىندا كەشەندى تەرگەۋ ارەكەتتەرىن جۇرگىزۋگە كەدەرگى كەلتىردى»، - دەلىنگەن اتىراۋ وبلىستىق پوليتسيا دەپارتامەنتى تاراتقان حابارلامادا.
