پاۆلوداردا تۋعان قىزىنا زورلىق-زومبىلىق كورسەتتى دەگەن كۇدىككە ىلىنگەن ەر ادام ىزدەستىرىلىپ جاتىر، دەپ حابارلايدى "ادىرنا" ءتىلشىسى Pavlodarnews.kz سايتىنا سىلتەپ.
پاۆلودارلىق تۇرعىن ءوز قىزىن زورلادى دەگەن كۇدىككە ءىلىنىپ وتىر.
"قىزىنا قاتىستى سەكسۋالدىق سيپاتتاعى زورلىق-زومبىلىق ارەكەتتەرىن جاسادى دەگەن كۇدىكپەن ەر ادامدى ۇستاۋ بويىنشا جەدەل-ىزدەستىرۋ شارالارى جۇرگىزىلىپ جاتىر", - دەپ حابارلادى وبلىستىق پوليتسيا دەپارتامەنتى.
رەسمي ورگاننىڭ مالىمەتىنشە، بارلىق اۋماقتىق پوليتسيا باسقارماسىنا، سونداي-اق وبلىس پەن ەلىمىزدىڭ شەكارا قىزمەتتەرىنە اقپارات جىبەرىلدى.
"قىزدىڭ اناسىنىڭ ارىزى بويىنشا، قىلمىستىق كودەكستىڭ 121-بابىنىڭ 4-بولىگى "سەكسۋالدىق سيپاتتاعى زورلىق-زومبىلىق ارەكەتتەرى" بويىنشا سوتقا دەيىنگى تەرگەۋ باستالدى", - دەلىنگەن حابارلامادا.
جابىرلەنۋشى قىزدىڭ ايتۋىنشا، ول اكەسى تاراپىنان زورلىق-زومبىلىق ارەكەتتەرىن 2020 جىلدىڭ مامىرىنان 2022 جىلدىڭ اقپانىنا دەيىن كورىپ كەلگەن.
بىراق وسى ۋاقىتقا دەيىن بۇل ارەكەتتى پوليتسياعا حابارلاماعان. قازىرگى ۋاقىتتا سوت-مەديتسينالىق ساراپتاماسى تاعايىندالدى.