الماتى وبلىسى اكىمدىكتەرىنىڭ 17 مەملەكەتتىك قىزمەتكەرى مەملەكەتتىك اۋديت قورىتىندىسى بويىنشا جازاعا تارتىلدى، دەپ حابارلايدى "ادىرنا" ۇلتتىق پورتالى جوعارعى ەسەپ پالاتاسىنىڭ ءباسپاسوز قىزمەتىنە سىلتەپ.
«قۇقىق بۇزۋشىلىقتار ءۇشىن وبلىستىق اتقارۋشى ورگانداردىڭ 17 لاۋازىمدى تۇلعاسى تارتىپتىك جاۋاپكەرشىلىككە تارتىلدى. وبلىستاعى وبلىستىق باسقارمالاردىڭ ءبىرىنىڭ باسشىسىنا قاتىستى قىزمەتتىك تەكسەرىس جۇرگىزىلۋدە»، - دەلىنگەن تەكسەرۋ قورىتىندىسى بويىنشا حابارلامادا.
مامىر ايىندا مەملەكەتتىك اۋديت جۇرگىزىلىپ، قازاقستان رەسپۋبليكاسىنىڭ بيۋدجەتتىك جانە باسقا دا زاڭنامالارىنىڭ بىرقاتار بۇزۋشىلىقتارى انىقتالدى.
الماتى وبلىسىنىڭ اكىمى مەملەكەتتىك اۋديت بارىسىندا انىقتالعان بۇزۋشىلىقتاردى جويۋ بويىنشا ءىس-شارالار جوسپارىن بەكىتتى.
