پارلامەنت سەناتىنىڭ توراعاسى ماۋلەن اشىمباەۆ باستاعان اەس سالۋدى قولداۋ جونىندەگى حالىق شتابىنىڭ مۇشەلەرى اباي وبلىسىنا كەلدى. اۋىلشارۋاشىلىق ونىمدەرىن وندىرۋشىلەرمەن، ءبىلىم بەرۋ سالاسىنىڭ ماماندارىمەن جانە كوممۋنالدىق قىزمەتتەر سالاسىنداعى ەڭبەك ۇجىمدارىمەن كەزدەسكەن ولار ەكولوگيالىق جانە ەكونوميكالىق پروبلەمالاردى شەشۋ جولىندا اەس سالۋدىڭ ماڭىزىنا توقتالدى.
ماۋلەن اشىمباەۆ ءوز سوزىندە قازىرگى تاڭدا كليماتتىڭ وزگەرۋىنە جانە ەكولوگيانىڭ ناشارلاۋىنا بايلانىستى بۇكىل الەم ءتۇرلى سىن-قاتەرمەن بەتپە-بەت كەلىپ وتىرعانىنا نازار اۋداردى. سونداي-اق ول ۋاقىت وتكەن سايىن ەلەكتر ەنەرگياسىنىڭ تاپشىلىعى ارتىپ وتىرعانىن تىلگە تيەك ەتتى. بۇگىندە ەلىمىزدەگى ەنەرگيا ءوندىرىسىنىڭ نەگىزگى كولەمى، ياعني 70 پايىزدان استامى كومىر ەلەكتر ستانسالارىنا تاۋەلدى. شتاب مۇشەلەرى «پريرەچنوە اگروفيرماسى» جشس-نىڭ بازاسىندا وبلىستاعى اۋىلشارۋاشىلىق ونىمدەرىن وندىرۋشىلەرمەن، «ەيكوس» جشس-نىڭ كاسىپكەرلەرىمەن جانە قىزمەتكەرلەرىمەن، سونداي-اق، كوممۋنالدىق سەكتور كاسىپورىندارىنىڭ ۇجىمدارىمەن كەزدەسۋلەردە اتالعان ماسەلەلەردى تالقىلادى.
«مەملەكەت باسشىسى قاسىم-جومارت كەمەلۇلى توقاەۆتىڭ باستاماسىمەن 6 قازاندا قازاقستاندا اەس سالۋ ماسەلەسىنە قاتىستى رەسپۋبليكالىق رەفەرەندۋم وتەدى. اتوم ەلەكتر ستانساسى – كومىرقىشقىل گازىنىڭ شىعارىندىلارىن جانە كومىرگە تاۋەلدىلىكتى ازايتۋدىڭ ەڭ ءتيىمدى جولدارىنىڭ ءبىرى. اەس-ءتىڭ كومىر ستانسالارىنان ايىرماشىلىعى زور. اتالعان سالا قورشاعان ورتانى ۋلى گازدارمەن، كۇلمەن نەمەسە قۇرامىندا مۇناي ونىمدەرى بار زياندى قالدىقتارمەن لاستامايدى. بۇل – اتوم ەنەرگياسى تابيعاتقا زيان كەلتىرمەيتىن، ەكونوميكامىزدىڭ دامۋىنا تىڭ سەرپىن بەرەتىن تازا جانە تۇراقتى ەنەرگيا كوزىمەن قامتاماسىز ەتەدى دەگەن ءسوز», – دەدى پالاتا سپيكەرى.
ءبىلىم بەرۋ سالاسىنىڭ قىزمەتكەرلەرىمەن كەزدەسۋدە ماۋلەن اشىمباەۆ اەس سالۋ ماسەلەسىنە كەشەندى كوزقاراس قاجەت ەكەنىن ايتتى.
«اەس-ءتىڭ قاۋىپسىزدىك ماسەلەسى كوپشىلىكتى الاڭداتىپ وتىرعانىن بىلەمىز. مۇنداي الاڭداۋشىلىققا وتكەن عاسىردا بولعان يادرولىق سىناقتار مەن اپاتتار سەبەپ ەكەنى انىق. وسى رەتتە قازىرگى اتوم ستانسالارى سەنىمدى، ەڭ وزىق جانە تەكسەرىلگەن تەحنولوگيالار ارقىلى سالىنىپ جاتقانىن ەرەكشە اتاپ وتكىم كەلەدى. بۇل ورايدا اڭگىمە III جانە III+ بۋىندار تۋرالى ءسوز بولىپ وتىر. ەگەر حالىق رەفەرەندۋمعا شىعارىلعان ماسەلەنى قولداسا، ەلىمىزدە اتوم ەلەكتر ستانساسى ەڭ جوعارى الەمدىك ستاندارتتارعا ساي سالىنىپ، جابدىقتالادى. اتالعان ىستە ادامداردىڭ قاۋىپسىزدىگى نەگىزگى باسىمدىق بولاتىنى ءسوزسىز», – دەپ، سەنات سپيكەرى ازاماتتاردى ەل يگىلىگى ءۇشىن رەفەرەندۋمعا بەلسەندى قاتىسۋعا شاقىردى.
حالىقتىق شتابتىڭ ءباسپاسوز قىزمەتى
سۋرەتتى تۇسىرگەن ءالي عالىم
دايىنداعان: «Nur Media» جشس.
تاپسىرىس بەرۋشى: م. ج. وسپانوۆ
«AMANAT" پارتياسى» قب قاراجاتى ەسەبىنەن تولەندى
